Pesë kërkesa të pazakonta që dadot e punësuara nga të famshmit duhet të plotësojnë

Të jesh dado në një familje të famshme mund të duket një ëndërr e realizueshme. Të udhëtosh me këngëtar ose aktorë, tingëllon si diçka mjaft interesante. Por nuk është aq ‘funny’ sa duket

Njerëzit që duan të aplikojnë për këtë punë duhet të kalojnë nëpër një sërë testesh shumë të komplikuara dhe të plotësojnë disa kërkesa, dhe disa prej tyre janë shumë të veçanta.

Duhet të jetë gati në çdo kohë

Një dado në Hollywood duhet të jetë e përgatitur dhe të përshtatet me orarin e punës, sa herë që mund të ketë ndryshime, pavarësisht sesa të papritura mund të jenë. Për shembull, kërkesat që Brad Pitt dhe Angelina Jolie kishin për gruan që punonte për ta ishin të shumta. Për ta, ishte thelbësore që ajo të kishte një diplomë bachelor dhe që ajo të fliste të paktën 2 gjuhë (përfshirë gjuhën amtare të fëmijëve të birësuar të yjeve). Më në fund, një nga ato më të rëndësishmet ishte të ishte në dispozicion për të udhëtuar në të gjithë Shtetet e Bashkuara dhe Evropë.

Duhet të jetë gati për kërkesa ultra-specifike

Sarah Jessica Parker, për shembull, i kërkon dados së saj që vazhdimisht të plotësojë një xhel dushi dhe pastruesin e fytyrës në dushet personale të fëmijëve të saj. Në vend që të blejë shumë prej këtyre produkteve, ajo duhet të kontrollojë secilën prej tyre çdo ditë dhe të zëvendësojë vetëm ato që kanë mbaruar plotësisht.

Duhet të jetë gati të vrapojë kur paparacët afrohen

Kur ndalojnë diku, edhe në momentin më të papritur, paparacët mund të shihen duke vrapuar drejt personave të famshëm për të bërë një mori pyetjesh. Në varësi të personit të famshëm për të cilin po punoni, si dado, mund t’ju kërkohet të largoheni nga vendet ku ka paparacë. Kjo pasi shumë të famshëm duan të krijojnë përshtypjen se mund t’i bëjnë të gjitha: kanë orar të ngjeshur, xhirojnë filma, bëjnë punë bamirësie dhe rrisin vetë fëmijët e tyre.

E kanë të ndaluar përdorimin e telefonin

Diçka që është padyshim e ndaluar në këtë punë është të shpërqendrohesh. Kjo është diçka që 6 dadot e Kim Kardashian dhe Kanye West mund ta vërtetojnë. Për shembull, atyre nuk u lejohet të përdorin telefonat e tyre gjatë ditës, ndërsa janë në punë. Nëse kapen duke përdorur një, ata mund të pushohen nga puna, shkruan Class.

Kontrollohet me detaje e gjithë e kaluara dhe gjërat rreth tyre përpara punësimit

Nëse do të aplikoni për një punë dado në Hollywood, jini të gatshëm të kaloni nëpër një proces rigoroz shqyrtues. I gjithë procesi mund të zgjasë shumë, gjatë së cilës personazhet e famshëm punësojnë një ekip vettingu të denjë. Për shembull, kjo është ajo që ndodh me agjencinë Not Just Baby Sitters, e cila siguron që besueshmëria e një dadoje është gjithmonë përtej përsosmërisë.

/Telegrafi/