Pesë gabime gjatë gatimit që mund t’ju pengojnë të humbni peshë

Nëse preferoni të gatuani ushqime në shtëpi për të humbur peshë, tashmë jeni në rrugën e duhur.

Megjithatë, ka mundësi që po bëni disa gabime që do t’jua vështirësojnë humbjen e peshës që dëshironi.

Prandaj, herën tjetër që dëshironi të humbni peshë, kushtojini vëmendje gabimeve gjatë gatimit.

Lexo po ashtu Me ndihmën e këtij 'regjimi' mund të humbni 9 kg brenda dy javësh

Përdorimi i vajit

Përdorimi i sasisë së vogël të yndyrës – si vaji i ullirit – ndihmon në gatim, sepse u jep shije pjatave tuaja, por vajrat kanë vlerë të konsiderueshme kalorike, ndaj duhet të merrni masa shtesë për të mos e tepruar. Vetëm një lugë gjelle vaj ulliri përmban rreth 120 kalori.

Madhësitë e porcioneve

Një gjë që është pak më e vështirë te konsumimi i ushqimit në shtëpi, është se ju jeni përgjegjës për kontrollin e porcioneve. Do të ishte mirë të njiheni me ushqimet që gatuani më shpesh dhe madhësinë e duhur të porcioneve të tyre.

Lexo po ashtu Sasia ditore e karbohidrateve që duhet të merrni për të humbur peshë

Hani të njëjtin ushqim

Diversiteti është veçanërisht i rëndësishëm kur bëhet fjalë për ushqimin. Ngrënia e të njëjtit ushqim gjatë gjithë kohës mund ta zvogëlojë kënaqësinë e të ngrënit, ndërsa përveç kësaj, është e rëndësishme që të futim ushqime të ndryshme në trupin tonë për shkak të vitaminave dhe mineraleve.

Erëzat

Mos i lini pas dore erëzat gjatë gatimit. Gatimi me vaj ose gjalpë mund ta pasurojë shijen e pjatës suaj, por erëzat kanë një vlerë kalorike dukshëm më të ulët dhe mund ta ndryshojnë plotësisht shijen e vaktit tuaj. Bien në sy erëzat, si shafrani i Indisë, kanella, qimnoni dhe speci kajen.

Lexo po ashtu Keni hequr dorë nga ushqimi i shpejtë dhe ëmbëlsirat, por nuk po humbni peshë - pesë arsye pse ndodh kjo

Shijimi i ushqimit gjatë gatimit

Mund të duket e pamundur të shmangni kafshimin dhe thithjen ndërsa gjeni diçka të shijshme, por ato copa të vogla ushqimi mund të shtojnë vërtet kalori. Nëse jeni vërtet të uritur, përpiquni të hani diçka të lehtë, si fruta ose perime për të shmangur shijimin e panevojshëm gjatë gatimit. /Telegrafi/