Derbi në Cornellà-El Prat ishte i qetë deri nga fundi i pjesës së dytë, më saktë deri sa rezultati u barazua nga Barcelona.
Jo për shkak se u barazua, por se Gerard Pique festimin e tij e kishte me dedikim për tifozët vendas, me të cilët normalisht si rival i përbetuar nuk ka raporte të mira.
Nga ky moment situata u tensionua shumë, ndërsa më poshtë keni të gjithë të shpjeguara:
Gjesti i Piques pas golit:
Spanjolli barazoi rezultatin në 1-1 në minutën e 82-të dhe festoi para tifozëve vendas duke i kërkuar atyre në mënyrë ironike që te qetësohen.
E bëri këtë pasi nga fillimi i ndeshjes ai u fishkëllye dhe mori kore fyese nga vendasit. Kjo acaroi tifozët, por edhe lojtarët në fushë, të cilët kundërshtuan Piquen për gjestin.
https://www.youtube.com/watch?v=tKlyVIc66mE
Ndërhyrja e ashpër në Piquen nga Moreno:
Nga festa e Piques më i nervozuari mbeti qendër-mesfushori Espanyolit, Gerard Moreno, i cili shënoi po ashtu në këtë takim dhe në minutën e 83-të i ndërhyri ashpër Piques. Nga e gjitha kjo u krijua një situatë tensionuese mes lojtarëve dhe normalisht nuk munguan kartonët e verdhë.
Përleshja e Umtitit me Garcian:
Minuat e fundit ishin të ndarë për dyshen Samuel Umtiti dhe Sergio Garcia. Ishte ky i fundi që për një moment ndërhyri ashpër në francezin dhe u ndëshkua me karton të verdhë. Në minutën e fundit të ndeshjes Umititi rrëzoi në zonë Garcian, por nuk kishte penallti.
https://youtu.be/V4KKWLW285I?t=488
Dyshja debatuan ashpër pas ndeshjes, por ishte Pique ai që ndërhyri për t’i ndarë. Mbrojtësi i Barcelonës ishte i nervozuar se drejt tij kishte edhe ofendime raciste.
Messi vs Sanchez:
Dhe e fundit, konfrontimi mes Lionel Messit dhe Victor Sanchezit. Edhe pse dyshja janë prodhim i shkollës së Barçës, La Masia’, kjo nuk ndikoi asgjë për të mirë.
https://www.youtube.com/watch?v=HaM8KWtAMto
Messi ishte cak disa herë i lojës së ashpër të kapitenit vendas dhe në fund argjentinasi nuk duroi dhe në fund nuk mungoi kontakti verbal dhe ai fizik mes tyre. /Telegrafi/
PËRMBLEDHJE:
https://www.youtube.com/watch?v=B4S_x_rnNEc