Perez kërkon transferimin e yllit të Man Utd, synon ta përsërisë taktikën e cila solli Ronaldon në Spanjë

Presidenti i Real Madridit, Florentino Perez, është i gatshëm të takohet me Alejandro Garnachon dhe të përsërisë taktikën që përdori kur ai nënshkroi me Cristiano Ronaldon.

Ronaldo la pas aventurën në Angli për tu transferuar në Spanjë në 2009 dhe iu bashkua Madridit për një shifër rekord prej 80 milionë eurosh.

Që atëherë, Real Madridi ka adaptuar një strategji të re transferimesh, duke u fokusuar më shumë tek blerja e lojtarëve të rinj.

Sipas gazetës spanjolle Real Madrid Exclusivo, Perez tani po synon që të transferojë sulmuesin e United, Alejandro Garnacho.

19-vjeçari ka shkëlqyer këtë sezon nën urdhrat e Ten Hag, duke qenë një ndër lojtarët më të përdorur. Garnacho ka shënuar shtatë gola dhe ka bërë katër asistime, teksa thuhet se Real Madridi e ka përcjellur atë në 12 muajt e fundit.

Lexo po ashtu Statistikat mbresëlënëse të Garnachos dëshmojnë se ai po zhvillohet më shpejt se Ronaldo

Perez do të jetë në qytetin e Mançesterit muajin e ardhshëm për duelin e madrilenëve ndaj Manchester Cityt në çerekfinale.

Për këtë arsye ai do ta shfrytëzojë këtë për t’i bërë një vizitë Garnachos dhe për të diskutuar kushtet për një transferim të mundshëm.

Kujtojmë se Garnacho është një tifoz i flaktë i Ronaldos dhe ideja për të përcjellur hapat e karrierës së portugezit mund të jetë një faktor për vendimin e tij./Telegrafi/