Përdhunimi i 13-vjeçares, vëllai i të arrestuarit: Mu shtri para këmbëve, u betua që s’ka bërë gjë (Video)

Familjarët e një prej të arrestuarve për rastin e rëndë të përdhunimit të një 13-vjeçareje nga i dashuri dhe shokët e tij, në qytetin e Kavajës, kanë mohuar për “Open” kategorikisht që i afërmi i tyre të ketë abuzuar me të miturën.

Ngjarja kishte filluar pasi 13 vjeçarja kishte komunikuar me shokun e klasës në instagram dhe pastaj ai i kishte kërkuar që të kryenin marrëdhënie seksuale për ditëlindjen e tij të 14.

Këtu mund të ndiqni deklaratën e familjarit të njërit prej përdhunuesve.

Ngjarja ka nisur në tetor fillimisht si një bisedë në Instagram për të vijuar më pas me shantazhe të saj pasi djemtë thoshin se kishin një video ku vajza ishte duke kryer marrëdhënie seksuale.

Lexo po ashtu Dosja e plotë e 13 vjeçares që u përdhunua nga i dashuri dhe shokët e klasës, historia nisi në Instagram

Kallëzimi është bërë më 29 janar në policinë e Kavajës, nga nëna sa bashku me vajzën e saj, ndërsa më tej tregohet se si ajo ka nisur kontaktet me shokun.

“Ka qenë fillimi i shkollës dhe të nesërmen ajo ka pasur si detyrë të shkruante një ese. Shoku i saj A, me të cilin ka qenë në një klasë që nga klasa e dytë, i ka kërkuar që t’i bënte edhe atij një ese dhe për këtë arsye e mitura ia ka bërë esenë dhe ia ka dërguar me foto nga tableti që kishte në shtëpi. Gjatë bisedës të miturës i ka bërë përshtypje fakti se shoku i saj A po e zgjaste bisedën dhe në bisedë e sipër i ka thënë se e kishte qejf. Pas kësaj e mitura i ka thënë se nuk kishte mundësi dhe ka menduar se mos ishte shoku tjetër H që po tallej, por ai i ka zënë be vëllain dhe pjesëtarë të tjerë të shtëpisë. Në vijim e mitura ka shpjeguar se me kalimin e ditëve ajo fliste për çdo gjë me A nëpërmjet rrjetit social Instagram ku adresa e të miturit A ka qenë “a” dhe “a7””.

Lexo po ashtu Përdhunimi i 13 vjeçares nga shokët e klasës dhe i dashuri në Shqipëri, pastruesja zbuloi sms-in në telefonin e të birit

“Duke qenë se në fillim të muajit tetor 2018 i mituri A kishte ditëlindjen dhe mbushte 14 vjeç, e ka pyetur të miturën se çfarë dhurate do t’i bënte ajo duke i thënë më pas se nuk donte asnjë dhuratë, por donte që të kryenin marrëdhënie seksuale së bashku. E mitura i është përgjigjur duke i thënë direkt “jo” dhe fillimisht i mituri A nuk ka këmbëngulur, por më pas, çdo 3-4 ditë, ai i kërkonte që të kryenin marrëdhënie së bashku duke i thënë vazhdimisht se: “një gjë që të kërkoj unë nuk ma plotëson”, theksohet në dosjen e prokurorisë. /Telegrafi/