LAJMI I FUNDIT:

Për herë të parë në Shqipëri: PPNEA vendos gjashtë sinjalistika të reja rrugore për ariun e murrmë

Për herë të parë në Shqipëri: PPNEA vendos gjashtë sinjalistika të reja rrugore për ariun e murrmë

Masat e reja për mbrojtjen e jetës së egër të zbatuara nga PPNEA përgjatë rrugës nga Pogradeci në Kapshticë.

Shoqata e Ruajtjes dhe e Mbrojtjes së Mjedisit Natyror në Shqipëri ka vendosur gjashtë tabela të reja paralajmëruese përgjatë rrugës Pogradec-Kapshticë, të projektuara për të mbrojtur jetën e egër, me fokus të veçantë tek popullata e Ariut të Murrmë.

Shoqata e Mbrojtjes dhe Ruajtjes së Mjedisit Natyror në Shqipëri (PPNEA) vendosi këto tabela, të cilat përfaqësojnë një arritje historike pasi shënojnë instalimin e parë të sinjalistikës specifike për këtë lloj të rrezikuar në Shqipëri.


“Vendosja e këtyre tabelave ka një rëndësi të jashtëzakonshme pasi plotësojnë sinjalistikën e nevojshme për tre bio-korridoret që lidhin Parkun Kombëtar të Prespës me Valamarën, Moravën dhe zonave të tjera natyrore në shtetin fqinj grek. Korridoret u identifikuan më herët përmes një serie monitorimesh me kamera kurth, ku rezultatet treguan praninë dhe riprodhimin e ariut”, thuhet në njoftimin e PPNEA.

Përpara se të ideoheshin këto tabela, u realizuan konsultime edhe me banorët e disa fshatrave në afërsi.

Bashkëpunimi me aktorë të ndryshëm ka qenë thelbësor për hartimin e strategjive gjithëpërfshirëse dhe efektive të mbrojtjes së mjedisit natyror në Shqipëri.

“Këto tabela sinjalistike paralajmëruese shërbejnë si një masë jetike derisa të krijohet infrastruktura e përshtatshme për të lehtësuar kalimin e sigurt të kafshëve të egra. Duke rritur ndërgjegjësimin dhe duke inkurajuar për më shumë kujdes, ne synojmë të parandalojmë aksidentet tragjike që mund të ndodhin jo vetëm për Ariun, por edhe për llojet e tjera që shfrytëzojnë këto habitate të fragmentuara”, vijon tutje njoftimi i PPNEA.

Vendosja e tabelave ka qenë një nismë e përbashkët, me mbështetjen e Autoritetit Rrugor Shqiptar dhe Agjencisë Rajonale të Zonave të Mbrojtura Korçë. Ky bashkëpunim shpreh një qasje të re ndaj mbrojtjes së kafshëve të egra dhe vendos një themel pozitiv për përpjekjet e ardhshme të ruajtjes dhe mbrojtjes së tyre./Telegrafi/

Në trend Lajme

Më shumë
Nëse e shihni këtë grua, lajmërojeni policinë - dyshohet për vjedhje

Nëse e shihni këtë grua, lajmërojeni policinë - dyshohet për vjedhje

Kronika e Zezë
Parashikimi i motit për të premten, shi, borë dhe erëra të furishme

Parashikimi i motit për të premten, shi, borë dhe erëra të furishme

Lajme
Dërguti tha se grupi i Osmanit në Guxo është në bisedime për rikthimin në LDK, Meta: Absolutisht e pavërtetë

Dërguti tha se grupi i Osmanit në Guxo është në bisedime për rikthimin në LDK, Meta: Absolutisht e pavërtetë

Lajme
Sllovakia nuk e njeh Kosovën, por do të dërgojë ushtarë në kuadër të KFOR-it

Sllovakia nuk e njeh Kosovën, por do të dërgojë ushtarë në kuadër të KFOR-it

Siguri
Tri organizata bashkojnë forcat për të luftuar keqinformimin gjatë zgjedhjeve në Kosovë

Tri organizata bashkojnë forcat për të luftuar keqinformimin gjatë zgjedhjeve në Kosovë

Lajme
Sekuestrohet një Lamborghini në Prizren, duke e vizituar atë ishte një fëmijë 11 vjeçar

Sekuestrohet një Lamborghini në Prizren, duke e vizituar atë ishte një fëmijë 11 vjeçar

Kronika e Zezë
Kalo në kategori