Për shumë tifozë transferimet e shtrenjta të Ligës Premier janë ‘çmenduri’, por Serie A në vitet e 90-ta thyente rekorde –Blerjet e mëdha nga Lentini te Crespo

Sot më së shumti bëhet zhurmë për transferimet që bëhen në Ligën Premier.  

Por në vitin 1992, atë vit kur u themelua Liga Premier, Gianluigi Lentini, një lojtar që kishte shënuar 16 gola në 111 paraqitje me Torinon, kishte thyer rekordin e transferimit botëror duke u blerë nga Milani për 13 milionë funte.

Mediat në vend, por edhe anembanë botës, kishin shkruar për Lentinin.

Por më shumë zhurmë u bë për blerjet si Alex Oxlade-Chamberlain te Liverpooli, pastaj Alvaro Morata te Chelsea e Alexandre Lacazette te Arsenali.

Por çmimet kishin filluar të rriten në Itali që shumë kohë më parë. Në vitin 1992, rekordi i transferimit u thye tri herë, dy herë nga AC Milan.

Por edhe Juventusi kishte blerë Gianluca Viallin për 12 milionë funte.

Milani ishte skuadra e parë që prishi pragun kur pagoi 10 milion funte për Jean-Pierre Papin.

Në fakt, midis viteve 1990 dhe 2000, në Itali u thye dhjetë herë rekordi për transferimin.

Transferimi i fundit që e theu rekordin në Itali ishte blerja e Hernan Crespo nga Lazio te Parma për 35.5 milionë funte, ndërsa BBC në atë kohë e kishte quajtur çmenduri.

Të kthehemi te Lentini dhe viti 1992. Ai erdhi nën drejtimin e Fabio Capellos, ku fitoi titullin dhe shkoi në finalen e Ligës së Kampionëve, ku humbën pastaj nga Marseille.

Ai një vit pas bëri aksident dhe nuk u kthye më kurrë në lojtarin që ishte.

Se futbolli italian ishte interesant në ato vite, tregojnë edhe transferimet e shumta të Christian Vierit.

Sulmuesi nga viti 1991 deri në vitin 1997, ishte sulmues solid, por ndërroi klub në çdo vit.

Ai  pastaj nga Juventusi kaloi te Atletico Madridi,  ku shënoi 24 gola ën po aq ndeshje, duke u kthyer në Itali te Lazio për 25 milionë funte.

Pastaj e bleu Interi pas një viti për 32 milionë euro. Te Interit me Vieriin në projekt ishte edhe një tjetër blerje rekord, Ronaldo.

Ai kishte ardhur nga Barcelona për 19.5 milionë funte në vitin 1997.

Me parat e shitjes së Vierit, klubi i Lazios kishte blerë Marcelo Salasin (£16m) dhe Juan Sebastian Veron (£18m).

Po ashtu ishte blerë edhe Crespo nga Parma për rekord botëror 35.5 milionë funte. /Telegrafi/

Blerjet e mëdha rekord botëror