Për një ditë, mbi 3.500 nënshkrime për Peticionin kundër ndryshimeve në Ligjin për pirjen e duhanit në Maqedoni

Kundër ndryshimeve të reja në Ligjin për pirjen e duhanit u deklaruan edhe nga Ministria e shëndetësisë, të cilët theksojnë se nëse pirja e duhanit është zgjidhje personale, kjo nuk është rast me pirjen pasive të duhanit.

Peticioni kundër ndryshimeve në Ligjin për mbrojtje nga pirja e duhanit që parashikojnë në restorantet ku shërbehet ushqim të mos lejohet pirja e duhanit, ndërsa pronarët e kafeneve vetë të vendosin a do të pihet në kafenenë e tyre, u nënshkrua nga 4.000 persona për vetëm 15 orë.

“Nuk kemi nevojë për një ligj të tillë”, “Nismë e pakuptimptë”, “Prioritet le të jetë shëndeti i qytetarëve”, “Ligji aktual është një nga ligjet e rralë të mirë”, “Askush nuk ka të drejtë të përfitojë në llogari të shëndetit tim”, janë vetëm disa nga komentarët që kanë lënë qytetarët nën peticionin e nënshkruar.

Qeveria e Maqedonsië, në seancën e mbajtur më 19 tetor duhej të shqyrtojë ndryshimet e propozuara dhe të dalë me qëndrim për këtë çështje, por vendosën se nuk kanë qëndrim në lidhje me këtë pyetje dhe e kthyen në Kuvend.

Por nga Qeveria thonë se në plan të parë do ta vendosin shëndetin e qytetarëve, duke rikujtuar se nuk do të sjellin vendime të përshpejtuara, pa pajtim të qytetarëve dhe paralajmërojnë debate publike ku do të merren parasysh qëndrimet e të gjitha palëve./Telegrafi/