Pep Guardiola zbulon datën se kur do të merret vendimi për 115 akuzat e Man Cityt

Trajneri i Manchester Cityt, Pep Guardiola ka zbuluar se kur do të merret vendimi për seancën gjyqësore sa i përket 115 akuzave të Manchester Cityt. 

City po ballafaqohet me 115 akuza pasi dyshohen se kanë thyer disa rregulla financiare mes viteve 2009 dhe 2018. 

Sipas një raportimi nga BBC Sport, klubi ka thënë se rasti i tyre mbështetet nga një ‘trup gjithëpërfshirës i provave të pakundërshtueshme’. 

Liga Premier pretendon se City ka thyer rregullat duke mos thënë informacion të saktë financiar dhe një pamje të qartë të gjendjen financiare të klubit. 

Lexo po ashtu Man City vazhdon formën e tmerrshme, mposhtet edhe nga Aston Villa

Mes gjithë kësaj, Guardiola ka nënshkruar një kontratë dy vjeçare me ‘Qytetarët’ në nëntor, sipas së cilës do mbetet pjesë e tyre deri në vitin 2027. 

“Nuk e di (kur do të merret vendimi). Do të merret gjatë dimrit, nuk e di. E di që njerëzit e presin këtë, por nuk e di. 

“Mendoj se në shkurt, mars do të jetë seanca dhe më pas do të shohim”, ka thënë Guardiola. 

Ish-trajneri i Barcelonës më parë kishte bërë me dije se ai do të qëndronte tek City edhe në rast se ata do të bien nga elita e futbollit anglez si dënim për akuzat e supozuara./Telegrafi/