Pensionohet gjenerali i ushtrisë amerikane, Mark Milley

Duke u tërhequr si kryetar i shefave të përbashkët të shtabit të SHBA-së, gjenerali i ushtrisë amerikane, Mark Milley drejtoi një goditje ndaj Donald Trumpit, presidentit të cilit i shërbeu, por të cilin ai dukej se e quante një “diktator i dëshiruar”.

Duke folur në bazën e përbashkët Myer-Henderson Hall në Arlington, Virginia, ai për forcat e armatosura të SHBA-së tha se “ne nuk i betohemi një vend. Ne nuk bëjmë betim për një fis. Ne nuk bëjmë betim për një fe. Ne nuk bëjmë një betim për një mbret, apo mbretëreshë, apo tiran apo një diktator, dhe ne nuk bëjmë një betim për një diktator të padëshiruar. Ne nuk i betohemi një individi. Ne i betohemi kushtetutës dhe i betohemi idesë që është Amerika dhe ne jemi të gatshëm të vdesim për ta mbrojtur atë”.

Lexo po ashtu Gjenerali i lartë amerikan kërkon falje për paraqitjen në fotografi me presidentin Trump

Trump, i cili emëroi Milley-n në vitin 2019, nuk dha asnjë koment deri më tani. Por, përpjekjet e Milley për të mbajtur nën kontroll Trumpin, veçanërisht në vitin 2020, vitin e trazuar të fundit të presidencës së tij, janë raportuar gjerë dhe gjatë, raporton theguardian.

Beteja të tilla kishin të bënin me politikën e jashtme, pasi Milley dhe zyrtarë të tjerë kërkuan të ndalonin presidentin e çrregullt që të provokonte konfrontime me armiqtë, përfshirë Kinën dhe Iranin.

Por, Milley dhe të tjerët gjithashtu duhej ta mbanin ushtrinë amerikane jashtë çështjeve të brendshme, pasi Trump ishte kundër protestave mbarëkombëtare për drejtësi racore, duke dëshiruar haptazi të thërriste Aktin e Kryengritjes të vitit 1807 dhe në këtë mënyrë të thërriste ushtrinë.

Javën e kaluar u publikua një profil i thelluar nga Atlantiku, në të cilin Milley shprehu përsëri keqardhjen e tij për një paraqitje famëkeqe me Trumpin në qershor të vitit 2020, kur presidenti marshoi nga Shtëpia e Bardhë në një kishë historike, pak e dëmtuar mes protestave në një përpjekje për të projektuar një imazh të një njeriu të fortë.

Lexo po ashtu Gjenerali i lartë amerikan tregon sesa për qind të territorit të pushtuar e ka rikthyer Ukraina

Milley ka thënë se ka marrë “masa të përshtatshme sigurie” kundër kërcënimeve të mundshme nga mbështetësit e Trumpit.

Kujtojmë se Paul Gosar, kongresmen republikan nga Arizona, ka deklaruar para mbështetësve se Milley duhet të varet në shesh.

Të enjten, në një ngjarje për mbledhjen e fondeve në Arizona, presidenti amerikan, Joe Biden denoncoi gjithashtu kërcënimet e Trumpit. /Telegrafi/