Klubi italian, Milani thuhet se po dëgjon ofertat për portugezin Rafael Leao gjatë këtij afati kalimtar të verës.
Leao ka qenë lojtari kryesor i Rossonerëve në fitimin e Scudettos në sezonin e fundit të Serie A duke bërë shumë klube evropiane të lidhen me të.
Ylli portugez ka qenë i lidhur me Chelsean, ndërsa Manchester City është gjithashtu i interesuar ku drejtori sportiv Txiki Begiristain ka qenë prej kohësh tifoz i tij.
Sipas mediumit Il Corriere dello Sport, pavarësisht heroizmave të tij gjatë fitimit të titullit, Milani është i përgatitur të ndahet me sulmuesin.
Nëse një ofertë prej 80 milionë euro arrin për Leaon, atëherë Milani do të konsiderojë shitjen e tij.
Me një marrëveshje deri në vitin 2024, bisedimet kanë vazhduar me drejtuesit e lojtarit për disa muaj për një marrëveshje të re, por pa sukses. /Telegrafi/
