Pele: Neymari kishte nevojë të dilte nga hija e Messit

Pele beson se Neymari mori vendimin e duhur për t’u larguar nga Barcelona, pasi kishte mbetur nën hijen e Lionel Messit.

Sulmuesi brazilian iu bashkua Paris Saint- Germainit për një shumë prej 222 milionë eurosh duke u bërë futbollisti më i shtrenjtë në histori të futbollit.

Dhe që nga dita e parë në Paris, 25-vjeçari ka nisur të shkëlqejë duke i shënuar tre gola dhe ka dhuruar po aq asistime.

Lexo po ashtu Barca nuk i kishte marrë seriozisht paralajmërimet e largimit të Neymarit

“Lojtari më i mirë aktualisht në Brazil është Neymar dhe unë mendoj se transferimi i tij është gjë shumë e mirë, sepse ka pasur shumë konkurrencë me Messin te Barcelona”.

“Mendoj se është një mundësi e mirë për të dhe ai kishte nevojë ta bënte atë lëvizje, sepse tash mund të luajë vërtet dhe të tregojë se çfarë është në gjendje të bëjë. Por, njëherësh është shumë e rrezikshme kur e ke një përgjegjësi të tillë”, ka deklaruar Pele për Marca.

Kur është pyetur se a do t’i bashkohet Neymar listës së fituesve brazilianë të Topit të Artë, si Rivaldo, Ronaldo, Ronaldinho e Kaka, përgjigja e Peles ishte: “Natyrisht se mundet”. /Telegrafi/