Peja nisë ndërtimin e Sheshit “Skënderbeu”, komuna zotohet për një projekt të madh

Peja ka filluar punimet për ndërtimin e pjesës së mbetur të sheshit “Skenderbeu,” një projekt i cili pritet të sjellë përfitime të shumta për qytetarët dhe të ndihmojë në zhvillimin e infrastrukturës urbane të qytetit.

Arianit Demaj nga Komuna e Pejës, në një deklaratë për Telegrafin, theksoi se pas kërkesave të shumta të banorëve të Pejës, punimet për ndërtimin e sheshit “Skenderbeu” janë shtyrë për të filluar më 20 gusht.

“Në bazë të fjalëve dhe kërkesës së banorëve, është shtyrë për në datën 20, ku tani edhe ka filluar ndërtimi. Është një projekt që është fituar në bazë të një projekti ndërkombëtar dhe ka me qenë një punë e mirë voluminoze”, ka thënë Demaj për Telegrafin.

Punimet kanë filluar që nga dje dhe pritet të vazhdojnë me një intensitet të lartë për të realizuar një shesh modern dhe funksional.

Ky projekt pritet të sjellë ndryshime të mëdha në qendrën e qytetit të Pejës, duke përmirësuar hapësirat publike dhe duke u ofruar qytetarëve një ambient më të rregulluar dhe të përshtatshëm për aktivitete të përditshme.