Pastruesit gjetën në tualetin e aeroplanit, një fetus rreth gjashtë muajsh (Foto)

Në tualetin e një aeroplani pasagjerësh që kishte aterruar në një aeroport të Nju Jorkut, pastruesit e kanë gjetur një fetus.

Gjetja është bërë 90 minuta pasi aeroplani përfundoi fluturimin prej Karolinës së Veriut, teksa aeroplani ndodhej në hangar, transmeton Telegrafi.

Aeroplani ku u gjet fetusi

“Po bëjmë hetime, që të kuptojmë shkaqet e vdekjes së fetusit, që besohet të jetë i njeriut. Nuk dihet kush e lindi fetusin, që është afro gjashtë muaj i vjetër", thuhet në raportin policor.

Pritet që të merren në pyetje të gjitha pasagjeret, si dhe pjesëtaret e stafeve prej të dy aeroporteve të fundit. /Telegrafi/