Pas një periudhe larg njëri-tjetrit, Jennifer Lopez dhe Ben Affleck shihen të kapur dorë për dore në Los Angeles

Ben Affleck dhe Jennifer Lopez dukeshin të lumtur dhe më të dashuruar se kurrë teksa u u panë dorë për dore duke arritur në një studio muzikore së bashku në Los Angeles.

Ylli i muzikës qëndroi pranë partnerit të saj ndërsa kalonin kohë së bashku mes orarit të tyre të ngjeshur.

Pavarësisht se u desh të qëndronin në distancë gjata muajve të fundit për shkak të orareve të ndryshme të projekteve, lidhja e Ben dhe Jennifer dukej mjaft e fortë.

Për daljen e tyre, aktorja e “Hustlers” kishte veshur një xhemper të zi, pantallona gri të ndezura, taka të larta dhe një çantë lëkure të zezë me detaje ari.

Ndërsa, partneri i nënës së binjakëve u pa me një figurë të pashme teksa ecte pranë saj me një xhaketë gri, bluzë bordo të Dickens dhe pantallona ngjyrë bezhë, shkruan DailyMail.

Ai mbajti një çantë të zezë dhe dukej i emocionuar për t’u ribashkuar me Lopez, pas festës së tyre të parë të Falënderimeve së bashku që nga rikthimi i romancës së tyre në fillim të këtij viti.

Lopez, 52-vjeçare, thuhet se mendon se marrëdhënia e tyre është ‘e shkruar të ndodhte’ dhe ‘i pëlqen të jetë me Benin’.

Para se të kthehej në Los Angeles ditë më parë, Lopez ishte në Kanada për të filmuar trailerin e filmit të ardhshëm “The Mother”.

“Jennifer u kthye në Los Angeles nga Vankuveri për të festuar Ditën e Falënderimeve me fëmijët e saj dhe Benin. Javët e fundit kanë qenë intensive për të”, tha një burim i afërt me artisten.

Jen dhe Ben zyrtarizuan romancën e tyre në Instagram në korrik të këtij viti, pasi u panë së bashku në daljet e shumta romantike në Miami, New York dhe Los Angeles.

Romanca e tyre për herë të dytë erdhi shumë shpejt pasi Jennifer i dha fund fejesës me Alex Rodriguez pas katër vitesh së bashku.

Edhe pse detyrimet e punës i kanë mbajtur të ndarë gjatë javëve të fundit, burimet thonë se dy yjet janë ende shumë të përkushtuar ndaj njëri-tjetrit. /Telegrafi/