Pas një dekade Greqia rrit pagën minimale

Greqia po rrit pagën e saj minimale për herë të parë në gati një dekadë.

Kryeministri grek Alexis Tsipras njoftoi se paga standarde mujore do të rritet me 11 për qind apo nga 586 euro në 650 euro, një masë që ai thotë se do të “ripërtërijë ekonominë reale”. Paga nën minimale për ata nën moshën 25-vjeçare gjithashtu do të hiqet.

Rritjet tani duhet të miratohen nga parlamenti, ku vendi doli nga programi i saj i ndihmës në gusht.

Ngrirja e pagës minimale ishte bërë simbol i pabarazive, ndërsa Greqia përballonte stuhinë e saj më të keq ekonomike në kohët moderne. Rritja, ndërkohë që pritej, ishte më e madhe sesa pritej dhe kishte pasur spekulime se do të rritet me 8 për qind në 630 euro.

Tsipras, i cili përballet me zgjedhjet e përgjithshme, është i vendosur të ndryshojë disa nga masat jopopullore që Athina është detyruar të marrë nga kreditorët pas paketave të shpëtimit që kanë mbajtur Greqinë gjatë nëntë viteve të fundit.

Lexo po ashtu Greqia nuk arrin objektivin buxhetor gjatë vitit të kaluar

Qeveria e Greqisë arriti një suficit primar buxhetor prej 3.16 miliardë eurosh në vitin 2018, ndonëse ishte nën objektivin për shkak të ardhurave më të ulëta. /Telegrafi/