Pas ngjarjeve në Tuz, reagon qeveria malazeze: Jemi të gatshëm të takohemi me Gjeloshajn

Policia malazeze ka ndërhyrë në qytetin shqiptar të Tuzit për të shpërndarë qytetarët që kanë bllokuar rrugët nacionale.

E gjithë kjo ka ndodhur pasi që komuna ka vendosur që mos t’i respektojë masat e caktuara të qeverisë për përhapjen e coronavirusit.

Madje, policia ka një urdhër-arrest për kryetarin Nik Gjeloshaj, i cili ishte në tubimin e qytetarëve.

Tashmë ka reaguar edhe qeveria malazeze duke thënë se “me rastin e situatës së re në komunën e Tuzit dhe mosrespektimit të masave të vlefshme epidemiologjike, të cilat sigurojnë shëndetin e qytetarëve të Tuzit dhe të gjithë Malit të Zi, Qeveria është e gatshme që menjëherë të ulet dhe të bisedojë me Gjeloshajn për ta zgjidhur problemin”.

Kujtojmë se këtë mëngjes, pak para orës 9, policia erdhi në Tuz për të mbyllur objektet e hotelierisë. Gjeloshaj akuzoi qeverinë për një vendim politik dhe “hakmarrje për shfaqjen e flamujve të Kosovës dhe Shqipërisë në ndërtesën e komunës”. /Telegrafi/

Povodom novonastale situacije u opštini Tuzi i nepoštovanja važećih epidemioloških mjera, kojima se obezbeđuje zdravlje građana Tuzi i cijele Crne Gore, Vlada je spremna da odmah sjedne za sto sa g. Đeljošajem i riješi nastali problem. 1/2

— Vlada Crne Gore (@VladaCG) February 25, 2021