Sergio Ramos ka humbur penalltinë e parë që nga maji i vitit 2018, pasi goditja e tij është pritur nga portieri Yann Sommer.
Spanja ishte afër të barazonte rezultatin në ndeshjen e tyre në udhëtim te Zvicra në kuadër të ndeshjes së grupeve në Ligën e Kombeve.
Megjithatë, kapiteni Sergio Ramos ishte i pafat, duke humbur një penallti në minutën e 57-të të takimit.
Ishte portieri i Zvicrës, Sommer, i cili ia pamundësoi golin mbrojtësit të Realit, pasi qëlloi saktë anën e ekzekutimit të lojtarit.
Kjo humbje e penalltisë është një befasi e madhe, pasi Ramos ka plot 25 penallti radhazi të konkretizuara me klubin dhe kombëtaren.
Penalltia e fundit e humbur nga qendërmbrojtësi daton në majin e viti 2018 në ndeshje ndaj Sevillas. /Telegrafi/
https://twitter.com/Postinor10/status/1327718200193277953
