Parashikohet që princi Harry dhe Meghan Markle të shkurorëzohen brenda pesë vitesh

Martesa mes princit Harry dhe Meghan Markle mund edhe të ketë jetë të shkurtër: më saktësisht, pesë vjet.

Të paktën, këtë e thonë kompanitë e basteve që janë të bindura se çifti do të divorcohet brenda 2025. Për momentin, Dukët e Saseksit duken të lumtur dhe të gatshëm të nisin një jetë të re, larg familjes mbretërore dhe asgjë nuk të bën të mendosh për një krizë mes tyre, por që janë jo pak të paparashikueshëm, ata e kanë dëshmuar tashmë, përcjell Top Channel.

Edhe fakti që anglezëve u pëlqen të vendosin baste praktikisht mbi gjithçka është i ditur. Por përse të mos e bëjnë edhe për jetën private të dukëve të arratisur tashmë? Sipas Daily Mail, bast mund të vihet mbi gjithçka. Që nga puna që do të bëjnë për tu bërë të pavarur, ku një e ardhme në modë ose influencera janë më të kuotuarat, por flitet edhe për një reality show, e deri tek një rikthim dhe ribashkim me pallatin Bakingam.

Një kthim i mundshëm i Markle tek seria Suits, do të paguante 21 herë më shumë nga paratë e vendosura në bast ndërsa një pjesëmarrje në serialin the Crown, do të shumëfishonte me 100 herë investimin. Pavarësia e tyre totale ekonomike në periudhë afatshkurtër konsiderohet thuajse e sigurt ndërkohë që është i mundur, e kuotuar 7 me 1, edhe adoptimi i një fëmijë. Një lamtumirë përfundimtare mes herrit dhe Meganit është një hipotezë e largët, sipas kompanive të basteve, aq sa nëse vendos 10 stërlina mund të fitosh vetëm 40. Numërimi mbrapsht, sapo ka filluar.