Sport Futboll Ndërkombëtare

Parashikim: Interi përballet me Tottenhamin në ndeshjen rikthyese në Ligën e Kampionëve

Para 6 vitesh

Sonte (e martë) do të jetë një mbrëmje e veçantë për Interin, pasi klubi italian kthehet në garën më të madhe evropiane për klube, Liga e Kampionëve, pas një mungese të gjatë.

Në ndeshjen e xhiros së parë të Grupit B, Nerazzurrët janë nikoqirë të Tottenham Hotspur në Giuseppe Meazza.

Të rejat nga skuadra e Interit

Joao Mario dhe Ivan Perisic (Foto: Getty Images)

Dalbert, Roberto Gagliardini dhe Joao Mario janë lënë jashtë skuadrës së Interit për Ligën e Kampionëve, ashtu që nuk mund të luajnë.

Luciano Spalletti ka probleme në krahun e djathtë të mbrojtjes për shkak të lëndimit të Sime Vrsaljkos, ndërkohë që Danilo D’Ambrosio është në dyshim për lojë. Në këtë mënyre, trajneri mund ta angazhojë Milan Skriniarin në atë pozitë, derisa Miranda do të startonte me Stefan De Vrij në qendër të mbrojtjes.

Lautaro Martinez është po ashtu në dyshim për lojë dhe vendimi për të do të merret pak para fillimit të ndeshjes.

Mungesat e Interit
Sime Vrsaljko (i lënduar)
Dalbert (nuk luan)
Roberto Gagliardini (nuk luan)
Joao Mario (nuk luan)
Danilo D’Ambrosio (në dyshim)
Lautaro Martinez (në dyshim)

Të rejat nga skuadra e Tottenham Hotspur

TEAM NEWS: @dele_official (hamstring), Hugo Lloris (thigh) and @MoussaSissoko (hamstring) all remain unavailable due to injury. pic.twitter.com/1iS0MVu1Ks

— Tottenham Hotspur (@SpursOfficial) September 17, 2018

Hugo Lloris dhe Dele Alli nuk mund të luajnë në Milano për shkak të lëndimeve.

Juan Foyth, Georges-Kevin Nkoudou dhe Vincent Janssen janë lënë jashtë skuadrës së Spursave për Ligën e Kampionëve, ashtu që nuk janë në dispozicion në fazën grupore.

Moussa Sissoko po ashtu nuk mund të luajë për shkak të lëndimit, derisa Victor Wanyama, Ben Davies dhe Erik Lamela mund të nisin nga minuta e parë (në vend të Eric Dier, Danny Rose dhe Harry Winks që luajtën në humbje kundër Liverpoolit).

Toby Alderweireld dhe Kieran Trippier nuk janë grumbulluar me skuadrën, prandaj pritet që nga minuta e parë të fillojnë Davinson Sanchez dhe Serge Aurier.

Mungesat e Tottenhamit
Hugo Lloris (i lënduar)
Dele Alli (i lënduar)
Moussa Sissoko (i lënduar)
Juan Foyth (nuk luan)
Georges-Kevin Nkoudou (nuk luan)
Vincent Janssen (nuk luan)
Kieran Trippier (nuk luan)
Toby Alderweireld (nuk luan)

Formacionet e mundshme

Fakte

Në nëntë nga 10 takimet e fundit të Tottenhamit në Ligën e Kampionëve janë shënuar mbi 2.5 gola për ndeshje.

Në pesë sfidat e fundit ndërmjet Interit dhe Spursave në të gjitha garat janë shënuar mbi 2.5 gola për ndeshje.

Parashikimi

Përkundër investimeve në skuadër, Interi e ka filluar sezonin jo në mënyrën e pritur duke arkëtuar vetëm katër nga 12 pikët e mundshme. Akoma nuk kanë fituar në Meazza këtë sezon, ndërsa në katër ndeshjet e fundit në shtëpi nuk kanë regjistruar fitore.

Tottenhami e nisi sezonin me tri fitore rresht, mirëpo në dy ndeshjet e fundit në Ligën Premier ka pësuar humbje dhe duhet të rikthejë formën për të qenë bindës.

Spursat i kanë humbur dy ndeshjet e vetme me Interin në Giuseppe Meazza duke pranuar nga katër gola. Asnjëra skuadër nuk mendon për humbje në këtë përballje, prandaj pritet të shohim një ndeshje të ngushtë me pak gola të shënuar.