Ndeshja në mes të Paris Saint-Germian dhe Basaksehir që ishte duke u zhvilluar në kuadër të Ligës së Kampionëve, u ndërpre për shkak të fyerje racore.
Gjyqtari i katërt ka fyer asistentin e trajnerit të skuadrës turke, derisa Demba Ba ka bërë një reagim të ashpër nga banka rezervë.
Sulmuesi i Basaksehir e ka dëgjuar gjyqtarin e katërt derisa e fyen në baca racore Pierre Webon, duke u ngritur në këmbë menjëherë ndaj tij.
Kjo më pas pasoi me karton të kuq në minutën e 16-të për Demba Ban, derisa gjyqtari kryesor nuk ishte në dijeni me atë se çfarë po ndodhte.
Kështu, takimi u dashtë që të ndërpritej, me lojtarët e dy skuadrave që filluan të protestonin në shenjë paknaqësie ndaj fyerjes raciste.
Ata më pas shkuan në zhveshtore dhe nuk dihet se çfarë do të ndodhë me takimin mes PSG-së dhe Basaksehirit që është takimi i fundit në kuadër të fazës së grupeve.
Një gjë mbetet e sigurt se asnjëherë nuk është parë një gjë e tillë në Ligën e Kampionëve dhe kjo ka befasuar të gjithë ata që ishin duke e ndjekur takimin. /Telegrafi/
