Forcat e Sigurisë së Kosovës janë radhitur në vendin e katërt sa i përket trupave pjesëmarrëse në “Defender Europe 23”.
Mbi 1,300 ushtarë të FSK-së do të kryejnë ushtrimet krahas ushtrive më të mëdha në botë, transmeton Telegrafi.
Në ceremoninë hapëse që u mbajt në sheshin “Skënderbeu” në Prishtinë, ministri i Mbrojtjes, Armend Mehaj bëri të ditur se përgatitjet për këtë stërvitje kanë nisur që 1 vit.
Gjithashtu, ministri para pjesëmarrësve tregoi se kanë ngritur kapacitet e FSK-së, duke bërë blerjen e disa pajisjeve ushtarake.
“Vendi i 4 më më së shumti pjesëmarrës. Kemi filluar që 1 vit ushtrimet, kemi blerë pajisjet ushtarake e kemi bërë stërvitje. Është e rëndësishme ngritja e kapaciteteve. Rrugëtimi ynë është i qartë, destinacioni ynë është një, në NATO. Ne do të plotësojmë çdo detyrë, që të jemi pjesë e NATO-s”, theksoi Mehaj.
Kosova do të jetë nikoqire e ushtrimit ushtarak më të madh ndërkombëtar në rajonin e Ballkanit, “Defender Europe 23”, me ç’rast do të validohem kapacitet e dy regjimenteve të Forcës së Sigurisë së Kosovës, e po ashtu do të tregojnë shkallën e ndërveprueshmërisë ushtarake përkrah forcave të shteteve partnere. /Telegrafi/
