Pamje dramatike në Izmir – zjarri përfshiu shtëpitë, rreth 80 persona të lënduar

Ministri turk i Bujqësisë dhe Pylltarisë, Ibrahim Yumakli, tha se të premten në Turqi kanë rënë 72 zjarre, prej të cilave 45 janë nën kontroll dhe vazhdon ndërhyrja në 27 lokacione.

Më e keqja është në qytetin bregdetar të Izmirit, ku zjarri ka mbërritur edhe në zonat e banuara.

Yumakli ka deklaruar se zjarri është përhapur në zonat e banuara dhe se 17 shtëpi janë djegur, ndërsa 105 shtëpi dhe 44 kompani është dashur të evakuohen, transmeton Haberturk.

Horrific scenes from Izmir in Turkey this evening. The situation isn’t any better. It’s like a scene from a disaster movie except it’s real 🔥🔥🔥pic.twitter.com/mVG2427Qnv

— Volcaholic 🌋 (@volcaholic1) August 16, 2024

Ministri shtoi se zjarri në Bol ishte i qëllimshëm dhe është përhapur shumë shpejt për shkak të erës.

“Ata që e ndezën këtë zjarr janë aktualisht në paraburgim”, tha Jumakli.

Ministria turke e Shëndetësisë njoftoi se deri më tani nga zjarret janë lënduar 78 persona.

Për shkak të nxehtësisë së madhe për tre ditët e ardhshme, Turqia po përballet me rrezik të lartë të zjarreve në pyje, njoftuan shërbimet kompetente. /Telegrafi/