James Pallotta thuhet se ka refuzuar ofertën e fundit për shitjen e klubit te Friedkin Gruup, kështu që Presidenti aktual duket i vendosur për të mbajtur Romën.
Sipas mediumeve Sky Sport Italia, Il Messaggero dhe disa tjerave në Itali, Friedkin u përpoq të negociojë uljen e ofertës origjinale 710 milionë euro, pasi i gjithë futbolli ishte prekur nga pandemia e Covid-19 dhe mbyllja e saj.
Kualifikimi në Ligën e Kampionëve është gjithashtu thelbësor për rritjen e vlerës së klubit, pasi javën e kaluar ata shënuan humbje të mëdha.
Kjo thuhet se e shtyu Friedkin Group të negociojë propozimin e tyre në 475 milionë apo plot 235 milionë euro më pak se oferta e mëparshme.
Është pohuar se Pallotta e hodhi poshtë këtë ofertë dhe është i përgatitur të vazhdojë drejtimin e Romës, duke balancuar librat me investimin e tij, si dhe me shitjet e lojtarëve.
Pas nëntë viteve të pronësisë së tij, Pallotta tani mund të ndryshojë përqendrimin në Romë në kosto më të qëndrueshme dhe përdorim më të madh të akademisë rinore për të zbuluar talente. /Telegrafi/
