Paga e Lionel Messit në Inter Miami dhe përfitimet tjera që do t’i marrë për të luajtur në MLS

Lionel Messi nënshkruan marrëveshje me Inter Miami me vlerë 60 milionë dollarë në sezon e vlefshme për dy vite e gjysmë.

Argjentinasi që u prezantua sot me fanellën e klubit të ri do të mbajë numrin e tij 10 në Inter Miami.

Messi refuzoi ofertën për tu kthyer te ish klubi i tij Barcelona, ndërsa në mesin e ofertat rreth tij ishte edhe ajo e Al-Hilal në Arabinë Saudite, të cilët ishin gati t’i paguanin atij rreth 500 milionë euro (562 milionë dollarë)  në vit.

BIENVENIDO 1️⃣0️⃣ pic.twitter.com/df1TJQQoYv

— Inter Miami CF (@InterMiamiCF) July 15, 2023

Por Lionel Messi ka preferuar të nënshkruajë marrëveshje me Inter Miami, ku do të fitojë 53 milionë euro (60 milionë dollarë) në sezon, e vlefshme për dy vite e gjysmë.

Lexo po ashtu Fjalët e para të Lionel Messit pas prezantimit te Inter Miami

Por si pjesë e kontratës së tij, Messi do të marrë një paketë kompensimi që përfshin një pjesë të të ardhurave të Apple TV të gjeneruara nga MLS Season Pass, si dhe një pjesë të fitimeve të Adidas nga mbërritja e tij në MLS.

Messi do të drejtohet nga ish-trajneri i tij i Argjentinës dhe Barcelonës, Gerardo Martino.

Lexo po ashtu Lionel Messi prezantohet zyrtarisht nga Inter Miami – zgjedh numrin në fanellë dhe mësohet data e debutimit   

Gjatë dy viteve të tij me PSG-në, Messi shënoi 32 gola në 75 paraqitje pasi iu bashkua klubit sapo u largua nga Barcelona në vitin 2021. /Telegrafi/