OVL e UÇK: Do të ngrisim padi ndaj Nexhmedin Spahiut, prokuroria t’i shkoj deri në fund rastit të veteranëve

Kryesia e Organizatës së Veteranëve të Luftës së UÇK-së, në mbledhjen e mbajtur sot ka diskutuar për një sërë çështjesh.

Lexo po ashtu A u lind apo jo më 28 nëntor komandanti Adem Jashari? Vazhdon debati në mes Spahiut e Jasharit

Përmes një komunikate për media kjo organizatë ka kërkuar nga Institucionet e Kosovës që Asociacionin e Komunave me shumicë serbe, të mos e bëjnë kurrsesi me kompetenca ekzekutive.

Poashtu kanë bërë të ditur se do të ngrenë padi ndaj analistit Nexhmedin Spahiu i cili ditë më parë tha se komandani legjendar Adem Jashari nuk është lindur më 28 nëntor.

Komunikata e plotë:

– Kërkojmë nga Institucionet e Republikës së Kosovës që Asociacionin e Komunave me shumicë serbe, të mos e bëjnë kurrsesi me kompetenca ekzekutive;

– Kërkojmë nga Institucionet e Kosovës konkretisht ekipi negociues me Serbinë, që të mos i negocioj kufijtë e Kosovës që janë njohur edhe ndërkombëtarisht, kufij të fituar me luftë dhe gjakun e dëshmorëve;

– Kërkojmë që të drejtat e shqiptarëve në Kosovën Lindore të jenë të barabarta me të drejtat e serbëve të Kosovës, pra të kërkohet reciprocitet në të drejta;

– I bëjmë thirrje spektrit politik të Kosovës që të jenë unik për sa i përket marrëveshjes përfundimtare Kosovë – Serbi;

Lexo po ashtu Spahiu: Kush e falsifikoi datëlindjen e Adem Jasharit, ai nuk u lind më 28 nëntor

– Sa i përket çështjes së listave të veteranëve, OVL UÇK e ka inicuar dhe ka ftuar Prokurorinë e shtetit që të hetoj listat dhe kërkojmë nga Institucionet e drejtësisë që kësaj çështje t’i shkojnë deri në fund;

– I kundërshtojmë ashpër tendencat e denigrimit të luftës së UÇK-së dhe figurave tona të luftës e posaçërisht Kryekomandantit tonë Adem Jashari, dhe kërkojmë nga Prokuroria që të hetoj njerëzit si Nexhmedin Spahiu, për shpifjet dhe falsifikimet që i bën. Për shpifje të këtij niveli, Ne si OVL UÇK do të ngrisim padi.