Osmani pret në takim përfaqësuesit nga Presheva, Bujanoci dhe Medvegja

Presidentja e Kosovës, Vjosa Osmani ka pritur sot në takim liderët institucionalë dhe përfaqësuesit politikë nga Lugina e Preshevës.

Njoftimin për takimin e tyre e ka bërë të ditur zyra për media e Presidencës.

Pjesëmarrës në këtë takim ishin deputeti shqiptar në Parlamentin e Serbisë, Shaip Kamberi, kryetari i Preshevës, Shqiprim Arifi, ai i Bujanocit Nagip Arifi dhe kryetari i Këshillit Kombëtar Shqiptar, Ragmi Mustafi.

Mediat janë lejuar të marrin pamje vetëm në fillim të takimit. /Telegrafi/

Vjosa Osmani dhe përfaqëuesit e partive politike në Luginën e Preshevës//Foto: Ridvan Slivova