“Osimhen mund të përfundojë te Juventusi, sikurse që ndodhi me Higuain” – ish sulmuesi italian hap debat në Itali

Ish sulmuesi i njohur italian, Alessandro Matri, këmbëngul se Juventusi duhet të shesë Dusan Vlahovic dhe të riinvestojë parët në yllin e Napolit, Victor Osimhen.

Napoli tashmë ka konfirmuar përmes presidentit Aurelio De Laurentiis se Osimhen dëshiron të largohet në fund të sezonit.

Ai ka një klauzolë lirimi në kontratën e tij që besohet të jetë 120-130 milionë euro dhe Matri thotë se kalimi te Juventusi nuk përjashtohet.

“Nuk do ta përjashtoja mundësinë që Osimhen të shkojë në Juventus”.

“Nëse Vlahovic e përfundon mirë këtë sezon, ai mund të shitet për 70 milionë euro, ndërsa Matias Soulé gjithashtu mund të sjellë një fitim shumë të mirë”.

“Blerja nuk do të ishte e paqëndrueshme dhe mos harroni që Juve e ka bërë këtë më parë me Gonzalo Higuain. Ata kursyen para këtë sezon dhe nëse kualifikohen në Ligën e Kampionëve, ata do të kishin para shtesë për të shpenzuar”, ka thënë tha ish-sulmuesi i Bianconerëve në rolin e tij të ri si ekspert në DAZN.

Lexo po ashtu Pse Arsenali duhet të mundë Chelsean në garë për Victor Osimhen

Sidoqoftë, vlen të përmendet se Napoli ndryshoi politikën mbi kontratat pasi humbi Higuainin nga Juventus për klauzolën e tij të lirimit prej 90 milionë euro në vitin 2016.

Pas atij transferimi, Napoli në marrëveshjet e tyre vendoste klauzola të lirimit që ishin të vlefshme vetëm për klubet jashtë Italisë, që vlen tani edhe për Osimhen.

Edhe gjigantët e Evropës si Arsenal, Chelsea, Manchester United, Real Madrid dhe Paris Saint-Germain janë gjithashtu pretendentë për nënshkrimin e tij. /Telegrafi/