LAJMI I FUNDIT:

Opozita shqiptare në RMV: Të ndalojë presioni ndaj gjykatësve të Gjykatës Supreme

Opozita shqiptare në RMV: Të ndalojë presioni ndaj gjykatësve të Gjykatës Supreme

Deklarata e kryetares së Gjykatës Supreme, Besa Ademi, se presioni ndaj gjykatësve është një praktikë, sa është e vërtetë, po aq është e dhimbshme, thonë përmes një reagimi partitë opozitare shqiptare, Lëvizja Besa, Alternativa dhe Lëvizja Demokratike. Kjo, sipas tyre, është diçka më shumë se një dëshmi relevante e shqetësimit të tyre,, për të cilin, siç thuhet në reagim, opozita e ka ngritur zërin në mënyrë të vazhdueshme.

“Tashmë dihet qartë se kush po bën presion ndaj gjyqësorit dhe pse po e bën këtë. BDI-ja dhe LSDM-ja po vazhdojnë t’i shkelin të gjitha vlerat demokratike, pavarësinë institucionale, integritetin e gjykatësve dhe, në përgjithësi, të sistemit të drejtësisë, duke ushtruar zhvatje mbi ta, për ta kthyer Gruevskin dhe për ta shpëtuar shpurën e kriminelëve të tij, gjithë kjo në favor të kalkulimeve elektorale për zgjedhjet e ardhshme parlamentare. Andaj e përshëndesim këtë deklaratë e cila ndihmon që edhe njëherë të zhveshë BDI-në dhe kredibilitetin e saj të munguar, si dhe të dëshmojë që ajo e ka humbur dhe po e humb mbështetjen dhe influencën e saj politike. Ne – opozita e bashkuar shqiptare – gjykojmë se këto janë veprime të pafalshme, andaj qëndrojmë fuqishëm në mbështetje të gjykatësve në Gjykatën Supreme”, thuhet në reagimin e opozitës shqiptare.

Në reagim bëhet thirrje për gjykatësit supremë që të rezistojnë, të mos bien pre e shantazheve dhe kërcënimeve dhe të veprojnë në bazë të akteve dhe normave ligjore.


“Askush nuk guxon ta cenojë në këtë mënyrë pavarësinë e gjyqësorit e aq më pak vetë drejtësinë, ndërsa ata që e bëjnë këtë duhet të marrin dënimin e duhur. Gjithsesi, dënimin më të madh do ta kenë në zgjedhje, nga të cilat na ndajnë pak muaj”, përfundon reagimi i opozitës shqiptare.

Në trend Lajme

Më shumë
Procesohen pothuajse të gjitha votat për kandidatët, KQZ publikon rezultatet e korrigjuara për parti

Procesohen pothuajse të gjitha votat për kandidatët, KQZ publikon rezultatet e korrigjuara për parti

Politikë
Haki Abazi thyen heshtjen pas zgjedhjeve: Momenti të ngrihemi mbi vogëlsinë individuale

Haki Abazi thyen heshtjen pas zgjedhjeve: Momenti të ngrihemi mbi vogëlsinë individuale

Politikë
Uka: Maurizio Salustro na kërkoi 500 mijë euro, ose përfundonim 54 vjet dënim burg

Uka: Maurizio Salustro na kërkoi 500 mijë euro, ose përfundonim 54 vjet dënim burg

Politikë
Skandal në Aeroportin e Beogradit: Vajza portugeze keqtrajtohet veç pse mbante një bluzë me flamurin shqiptar

Skandal në Aeroportin e Beogradit: Vajza portugeze keqtrajtohet veç pse mbante një bluzë me flamurin shqiptar

Lajme
Masat e BE-së e penguan zhvillimin e Kosovës, por jo Kurtin

Masat e BE-së e penguan zhvillimin e Kosovës, por jo Kurtin

Lajme

"Nuk ka logjikë", Gjini: Nuk besoj që Limaj do të shkojë në koalicion me Kurtin

Lajme
Kalo në kategori