OceanGate pezullon ‘të gjitha operacionet e kërkimit dhe ato komerciale’ pas shpërthimit të nëndetëses Titan

Firma që zotëronte “nëndetësen” që pësoi aksident Titan ka pezulluar operacionet e saj tregtare, njoftoi ajo në faqen e saj të internetit.

Sipas mediave të huaja, përcjell Telegrafi, OceanGate tha se ka “pezulluar të gjitha operacionet e kërkimit dhe komercialit” pasi nëndetësja shpërtheu muajin e kaluar ndërsa ishte në një udhëtim për në rrënojat nënujore të Titanikut në brigjet e Kanadasë.

Si pasojë, të pesë personat në bord gjetën vdekjen, përfshirë shtetasit e Mbretërisë së Bashkuar Hamish Harding dhe baba e bir Shahzada dhe Suleman Dawood.

Lexo po ashtu 'Mund të ketë shpërthyer nën presion të jashtëzakonshëm': Detaje të tjera që tregojnë se si nëndetësja mund të jetë zhdukur në Oqeanin Atlantik

CEO i OceanGate Expeditions, Stockton Rush dhe njeriu që drejtoi nëndetësen, shtetasi francez Paul-Henri Nargeolet gjithashtu vdiqën në incident.

Kompania amerikane me bazë në Uashington njoftoi zhvillimin përmes një baneri në faqen kryesore të faqes së saj të internetit.

Lexo po ashtu Mbeturinat e zhytëses “Titan” sillen në Kanada dhjetë ditë pas 'përplasjes katastrofike' në Atlantik – ku u vranë pesë personat që ishin në bord

OceanGate u themelua në vitin 2009 dhe u ofroi turistëve mundësinë për të udhëtuar me “zhytës” në thellësitë e oqeanit për të parë nga afër mbytjet e anijeve dhe kanionet nënujore.

Pas tragjedisë së Titanit, ka pasur kritika të përhapura për natyrën e pasigurt të saj.

Anija fillimisht u raportua e zhdukur më 18 qershor dhe më pas katër ditë më vonë, Roja Bregdetare e SHBA-së konfirmoi se ajo ishte shkatërruar nga një ‘shpërthim katastrofik’. /Telegrafi/