Nusreti e vizitoi Realin, pozoi me lojtarët dhe legjendat

Shefi i famshëm i kuzhinës, Nusret Gokce, vazhdon të jetë sensacion për mënyrën e tij të veçantë të përgatitjes dhe të kriposjes së mishit, ndërsa vizita e të famshmëve në restorantet e tij tashmë është përditshmëri.

Porse kësaj radhe, ai ka vendosur ta vizitojë klubin e tij të zemrës – Real Madridin. Ai ka udhëtuar në Spanjë dhe është takuar me lojtarët dhe stafin e Los Blancos në ndeshjen e parë sezonale në La Liga.

Mbretërit luajtën kundër Celta Vigos në udhëtim të shtunën dhe fituan me rezultat 3-1, ndërsa golat i shënuan Karim Benzema, Toni Kroos dhe Lucas Vazquez, kundrejt golit të vetëm nga Iker Losada në fund të takimit.

https://www.instagram.com/p/B1R4AyOi2OG/

Gjatë vizitës së tij, Nusreti ka pasur mundësinë që të takohet dhe të pozojë me futbollistët e Realit, me trajnerin, presidentin, por edhe me legjendat e Los Blancos.

Ai i ka ndarë me ndjekësit e tij në Instagram disa fotografi dhe video nga vizita e tij te klubi mbretëror që i ka shoqëruar edhe me mesazhe. Ai e ka cituar Karim Benzeman t’i ketë thënë se u ka sjellë fat për fillimin e sezonit.

https://www.instagram.com/p/B1R3g9siQ53/

Ndryshe, Nusret Gokce është pronar i një rrjeti restorantesh me emrin “Nusr-Et”, të cilat i ka hapur në Turqi, në Emiratet e Bashkuara Arabe, Shtetet e Bashkuara të Amerikës dhe shumë vende të tjera. /Telegrafi/

https://www.instagram.com/p/B1R1nD5iOue/

https://www.instagram.com/p/B1R7awWlux7/

https://www.instagram.com/p/B1R4Yl3Fyc6/

https://www.instagram.com/p/B1R2XyDCtj0/