Nuk mund të pini kafe të hidhur? Ky lloj ëmbëltuesi është më i shëndetshmi që mund të shtoni

Megjithëse kafeja ofron disa përfitime të rëndësishme shëndetësore, duke përfshirë faktin se mund të ndihmojë në humbjen e peshës, shtimi i përbërësve të gabuar në përzierje, mund t’i mohojë këto përfitime dhe të ketë një efekt negativ në shëndetin tuaj.

Për shembull, shtimi i rregullt i sasisë së madhe të sheqerit dhe shurupeve të aromatizuar, mund ta bëjë të vështirë humbjen e peshës, gjë që mund të jetë një dhimbje e vërtetë për ata që u pëlqen shija e ëmbël. Për fat të mirë, ka shumë alternativa të shëndetshme për sheqerin e rafinuar.

Lexo po ashtu Tri gabime dietike që ju bëjnë të shtoni edhe më shumë peshë

Shumica e ekspertëve të shëndetit do të pajtohen se konsumimi i kafesë së zezë është alternativa më e mirë për shëndetin tuaj. Nëse vërtet nuk e shijoni shijen e kafesë pa sheqer, në vend që të shtoni sheqer të rafinuar në filxhanin tuaj, nutricionistët rekomandojnë të provoni sheqer frutash murgu.

Sheqeri i frutave të murgut (Siraitia grosvenorii) është një alternativë e shkëlqyeshme ndaj kremit të rrahur dhe sheqerit për ëmbëlsim.

Lexo po ashtu Pija e mrekullueshme që do t’ju zgjojë më mirë se kafeja

Përveç shtimit të një doze të mirë ëmbëlsie natyrale, ai është gjithashtu i pasur me antioksidantë, kështu që jo vetëm po shmangni përbërësit inflamatorë në kremrat e përpunuar ose sheqerin, por gjithashtu po i jepni trupit tuaj lëndë ushqyese anti-inflamatore. /Telegrafi/