“Nuk mund të marr frymë” – Vanessa Bryant i referohet vdekjes së George Floyd përmes Kobe

Prej shumë të famshmëve të tjerë që reaguan ndaj vrasjes brutale të afro-amerikanit George Floyd, ishte edhe Vanessa Bryant.

37-vjeçarja ka publikuar një fotografi të bashkëshortit të saj, Kobe Bryant, në bluzën e të cilit shkruante: “Nuk mund të marrë frymë”, që i referohet vrasjes së George, shkruan Daily Mail.

“Bashkëshorti im e veshi këtë bluzë vite më parë, dhe tani jemi ende aty”, filloi ajo.

https://www.instagram.com/p/CA1xv2Kjknt/

Në po të njëjtin postim, Vanessa u bëri thirrje ndjekësve të saj duke u thënë se pa marrë parasysh se sa është jeta e padrejtë, duhet që të shpërndajmë dashuri mes njëri-tjetrit.

Në fund të mesazhit, nëna e katër fëmijëve kishte përdorur frazën që po përdoret nga të gjithë protestuesit: “Jeta e atyre me ngjyrë ka rëndësi”.

Basketbollisti i NBA e veshi të njëjtë bluzë në vitin 2014 gjatë lojës kundër Sacramento King, në shenjë proteste për vrasjen e Eric Garner.

Eric ishte një person tjetër me ngjyrë, i cili u vra nga një polic në New York, rast ky me të cilin po e krahason tani bashkëshortja e tij. /Telegrafi/