Në Kosovë të dielën janë zhvilluar zgjedhjet e parakohshme pas dorëheqjes së ish-kryeministrit Ramush Haradinaj. Siç është raportuar deri më tani zgjedhjet u fituan nga Lëvizja Vetëvendosje me kandidat për kryeministër Albin Kurtin.
Ndërkohë, kryeministri potencial i Republikës së Kosovës po pëlqehet edhe nga Noizy.
Reperi shqiptar në Instagramin e tij, aty ku ndiçet nga mbi një milion ndjekës ka publikuar një video të Albinit, në kohën kur po shikonte një intervistë të tij.
Noizy publikon një video të Albin Kurtit (Foto: Instagram)
"Burrë i mençur", është mbishkrimi që 33-vjeçari ia ka vënë videos së publikuar në InstaStory.
Deri më tani Kurti është duke prirë me vota për të qenë kryeministër i vendit, përkundër që së fundmi Komisioni Qendror i Zgjedhjeve mori vendim që të rinumërohen 313 vendvotime.
Nga ana tjetër, Noizy vazhdon të jetë i angazhuar me mbrëmje dhe koncerte të ndryshme muzikore anë e mbanë trojeve shqiptare.
I njëjti është duke punuar në albumin e ri, të cilin pritet së shpejti të prezantojë para publikut dhe fansave të shumtë. /Telegrafi/
