Njerëzit po jetojnë deri në 10 vite më gjatë se më parë, por po vuajnë më gjatë nga sëmundjet e pleqërisë

Shëndeti jonë është duke u përmirësuar dhe jemi duke jetuar më gjatë se kurrë më parë, ka zbuluar një studim i ri.

Edhe në shtetet me shëndetin më të dobët jetëgjatësia është duke u rritur, e ku njerëzit po jetojnë deri në 10 vite më shumëse kurrë më parë, transmeton Telegrafi.

Tani, në të gjitha vendet e botës meshkujt mund të presin të jetojnë deri në 69 vjet, përderisa gratë deri në 75 vjet.

Edhe jetëgjatësia e shëndetit – numri i viteve ku personat jetojnë me shëndet të mirë – është në rritje.

Sidoqoftë, ky numër është rritur vetëm për gjashtë vite, duke sugjeruar se njerëzit mund të jetojnë më gjatë, por do të kalojnë më shumë kohë duke vuajtur nga sëmundjet e ndryshme.

Ekspertët besojnë se kjo mund të ndodh për shkak të rënieve të mëdha në përqindjet e vdekjeve për shumë sëmundje infektuese, duke përfshirë HIV/AIDS-in, malarien dhe diarrenë.

Veç kësaj, edhe përqindja e njerëzve që vdesin nga sëmundjet kardiovaskulare apo kanceri ka zbritur – por në një ritëm më të ngadaltë, zbulojnë hulumtuesit.

Sidoqoftë, sëmundjet jo-ngjitëse të cilat kanë origjinë nga stili i jetës, si sëmundjet e zemrës, sulmi në tru dhe diabeti, mund të shkaktojnë shtatë nga 10 vdekje, pohojnë hulumtuesit.

Progres është shënuar edhe në zvogëlimin e ujit të papijshëm dhe kanalizimit, por dietat, obeziteti dhe drogat janë rritur në një shifër alarmante. /Telegrafi/