Një tjetër femër akuzon Dani Alvesin për sulm seksual

Dani Alves mbetet në burg pasi u akuzua për sulm seksual ndaj një gruaje në një klub nate të Barcelonës, por tani ka një pretendim të ri kundër tij.

Ai është në pritje të gjykimit të tij, por po mbahet në paraburgim. Megjithatë, është shfaqur një dëshmi nga një vajzë tjetër.

Ajo pretendon se tetë vjet më parë në të njëjtin vend, Alves u përpoq ta sulmonte atë në të njëjtën mënyrë që dyshohet se bëri për akuzën ekzistuese.

Lexo po ashtu I refuzohet apeli për lirim, Dani Alves mund t’i kalojë disa vite në burg

Ajo ka shpërndarë një video të TikTok e cila që atëherë është fshirë, ku shpjegoi se çfarë ndodhi gjatë një nate në Barcelonë me miqtë e saj.

“Me gjithçka që ka ndodhur së fundmi me çështjen e Dani Alves, shumë nga njerëzit e mi të afërt janë befasuar kur u thashë se kur isha 18 vjeç kisha një përvojë të ngjashme me të njëjtin person, në të njëjtin vend”, filloi ajo. “Isha 18 vjeç, isha në Sutton, në të njëjtin klub nate: ai më ftoi mua dhe shokun tim në dhomën e tij private. Ne e injoruam plotësisht, shkuam në drejtimin tonë. Por, çfarë më habit është se ky person ka vite që bën të njëjtën gjë, me të njëjtin model, në të njëjtin vend, me vite, sepse rasti im ka qenë tetë vite më parë”, ka thënë ajo.

Ajo bëri të qartë se Alves e ka sulmuar atë, dhe se pas këtij rasti mori guximin të flet për përvojën e saj me brazilianin. /Telegrafi/