Një test rutinë i syve në mund të diagnostikojë fëmijët me autizëm, sugjeron studimi

Një test i thjeshtë i syve në optikë mund të diagnostikojë fëmijët me autizëm, sugjeron një studim.

Studiuesit amerikanë zbuluan se sytë e të rinjve me këtë gjendje reagojnë më ngadalë kur ekspozohen ndaj dritës së fortë. Bebëzave të tyre iu desh më shumë kohë për t’u ngushtuar dhe për t’u kthyer në madhësinë e tyre origjinale.

Studiuesit shpresojnë se zbulimi do të hapë rrugën për një mënyrë ‘të shpejtë dhe të lehtë’ për të diagnostikuar autizmin – që shpesh është një përvojë e gjatë dhe stresuese për familjet.

Ata besojnë se koha e vonuar e përgjigjes është një shenjë se nervat në tru nuk funksionojnë me kapacitet të plotë. Një diagnozë më e shpejtë mund të çojë në ndërhyrje të hershme që mund të bëjnë dallimin midis aftësisë së një fëmije me autizëm që të flasë ose jo në të ardhmen.

Lexo po ashtu Të kesh një qen në shtëpi ka shumë përfitime për fëmijët në spektrin e autizmit

Autizmi dhe problemet e lidhura me to, si ajo e Aspergerit, prekin rreth një në 100 fëmijë britanikë dhe një në 44 të rinj amerikanë.

Gjendja është jashtëzakonisht e vështirë për t’u diagnostikuar sepse nuk ka asnjë test mjekësor, që do të thotë se mjekët duhet të mbështeten në historinë e zhvillimit dhe sjelljen e fëmijës. Ekipi hulumtues testoi sytë e 60 fëmijëve nga mosha gjashtë deri në 17 vjeç.

Lexo po ashtu Shenjat e autizmit te të rriturit

Nga këta fëmijë, 36 ishin diagnostikuar më parë me autizëm, ndërsa pjesa tjetër shërbente si kontroll. Shkencëtarët përdorën një pajisje dore të quajtur pupillometer që lëshon një dritë të ndritshme dhe është në dispozicion në shumicën e optikëve.

Ata testojnë sytë e fëmijëve një nga një, duke matur refleksin e dritës së bebëzës, një term shkencor që tregon se sa shpejt bebëza e syrit ndryshon formën në përgjigje të dritës së ndritshme.

Lexo po ashtu Miratohet përdorimi i vaksinës së syve që duhet të injektohet vetëm një herë në katër muaj në vend të katër javëve

Duke analizuar rezultatet e tyre, ata zbuluan se fëmijët me autizëm kishin një kohë të konsiderueshme të vonuar të reagimit të refleksit në krahasim me kontrollet me sytë që kërkonin më shumë kohë për të reaguar dhe gjithashtu më shumë për t’u kthyer në normalitet.  /Telegrafi/