Një grimere profesioniste këshillon: Si ta rinoni lehtë dhe shpejt fytyrën tuaj në tre hapa?

Lëvizje që “fshijnë” vitet

Nuk thuhet kot se djalli fshihet në detaje.

Ndonjëherë ndryshimi midis grimit të përsosur dhe atij të pakënaqshëm qëndron në gjërat e vogla.

Grimerja me përvojë Cheryl Cavanaugh tregoi se si të aplikoni në mënyrën e duhur korrektorin që lëkura e lëshuar vizualisht të duket plotësisht e tendosur! – transmeton Telegrafi.

Me kalimin e moshës zvogëlohet niveli i kolagjenit dhe për këtë arsye shfaqen edhe rrudhat e para. Dhe duke qenë se graviteti është një armik serioz i lëkurës, ajo bëhet më e lëshuar.

Ekspertët e mjekësisë estetike zakonisht këshillojnë një zonjë të moshuar të vendosë filera në pjesën e mesme të fytyrës, sepse mu ajo pjesë fillon të lëshohet e para.

Me këshillën e kësaj grimiereje ju mund ta ruani rininë tuaj vetëm me ndihmën e korrektorëve, nuk keni nevojë për korrigjime të shtrenjta estetike!

Nëse korrektori aplikohet në mënyrën e duhur, arrihet efekti vizual i një ngritjeje të vogël të fytyrës. Cheryl në video tregon se si e bën atë në vetëm tre lëvizje!

Ajo përdor një korrektor ngjyrë pjeshke, i cili aplikohet me një furçë të hollë poshtë këndit të jashtëm të syrit, poshtë dhe djathtas vrimës së hundës dhe në të njëjtin drejtim poshtë këndit të jashtëm të buzëve. Lëvizja shkon nga poshtë lart.

Më pas, me një furçë më të trashë, përzien mirë këtë korrektor dhe vazhdon me grimin. Sipërfaqet më të lehta japin efektin që e gjithë pjesa e mesme e fytyrës të ngrihet paksa dhe të freskohet.

Shikoni videon:

View this post on Instagram

A post shared by Cheryl Cavanaugh (@ccavanaugh33)

/Telegrafi/