Një incident i rëndë ka ndodhur në Aeroportin Malpensa të Milanos, ku një zjarr shpërtheu në Terminalin 1.
Sipas raportimeve, zjarri nisi pasi një burrë i vuri flakën një koshi plehrash dhe më pas dogji një zonë të regjistrimit duke përdorur lëng të ndezshëm.
Sipas mediave lokale, ai gjithashtu dëmtoi me çekiç ekranet regjistrimit dhe të informacionit.
Si pasojë, një tym i dendur mbushi terminalin, duke detyruar autoritetet të mbyllin një pjesë të tij dhe pasagjerët të prisnin jashtë.
Ndërkohë, policia kufitare arriti në vendngjarje dhe arriti ta neutralizojë autorin.
Punonjës të sigurisë së aeroportit ndihmuan në fikjen e flakëve ndërsa hetimet vazhdojnë për të zbuluar motivet e sulmit. /Telegrafi/
