Një 19-vjeçar u qëllua për vdekje pasi nuk pranonte të dorëzohej – policia amerikane publikon pamjet

Pamjet filmike të kamerës së trupit të policisë tashmë janë publikuar dhe tregojnë një oficer të Los Angelosit duke qëlluar për vdekje një adoleshent që kishte në dorë një pushkë.

Luis Herrera, 19 vjeç, u qëllua për vdekje pasi thirri vazhdimisht për ndihmë policinë, duke pretenduar se babai i dehur po e rrihte nënën dhe atë.

Kur ata iu afruan rezidencës, Herrera, i veshur me të zeza, doli nga dera e përparme duke mbajtur “atë që dukej të ishte një pushkë e zezë”, njoftoi Departamenti i Policisë në Los Angelos.

Në videon e sapo publikuar të kamerës së trupit, një oficer dëgjohet duke i bërtitur Herrerës, “Hej! Hej! Hej! Lëre atë!”.

Por Herrera refuzon të zbatojë urdhrat e oficerit për të hedhur pushkën, duke i bërë policët të zënë një pozicion në qoshe, raporton nypost.

“Herrera e vuri pushkën mbi supe dhe e drejtoi nga oficerët, duke rezultuar në shtënë drejt oficerit”, thuhej në njoftim.

Herrera më pas u godit nga një breshëri armësh dhe ra, por vazhdoi të mbante pushkën ndërsa përpëlitej në tokë në oborrin e përparmë, ndërsa prindërit e shikonin nga shtëpia.

Një hetim i mëvonshëm ka zbuluar se nuk kishte prova të dhunës në familje mes prindërve të Herrera, ndryshe nga sa kishte thënë 19-vjeçari në telefonatat.

Ndryshe. Divizioni i Hetimit të Forcave të LAPD po heton për të shtënat fatale. /Telegrafi/