Aktori i famshëm amerikan, Nick Cannon, nuk sheh një martesë tjetër në të ardhmen e tij.
39-vjeçari, ish-bashkëshorti i Mariah Carey u hap për pikëpamjet për një tjetër martesë të mundshme në intervistën e tij të dhënë së fundmi.
“Nuk besoj në martesë më”, ka thënë babai i tre fëmijëve për “Entertainment Tonight”. "Mendja ime ka ndryshuar. Unë e kam bërë atë. Nuk më pëlqen të bëj gjëra në të cilat nuk ndihem mirë”.
Nick Cannon dhe Mariah Carey (Foto: Getty Images/Guliver)
Me këtë deklaratë, ai la të kuptohet se ishte divorci i tij nga këngëtarja e “All I Want for Chrismtas Is You” që ia ndryshoi pikëpamjet për një martesë të dytë.
"Nëse do të hidheshit nga një aeroplan në kohë dhe nuk do të funksiononte jashtë - nuk do ta bëje përsëri, a do të bëje?”,tha ai, duke shtuar: Mezi mbijetova. Pse do të kërceja përsëri nga aeroplani?".
Ndërsa ai nuk e sheh veten duke marrë përsipër rolin e një burri, Cannon tha se është i përqendruar në atësinë dhe karrierën e tij.
Cannon dhe Carey u martuan në prill të vitit 2008 dhe kanë dy fëmijë së bashku: binjakët Moroccan dhe Monroe. /Telegrafi/
