Ish-asambleisti i Lëvizjes Vetëvendosje në Kuvendin Komunal të Drenasit, Xhavit Drenori, ka njoftuar se Policia e Kosovës ka ngritur Kallëzim Penal në Prokurinë Themelore në Prishtinës nga Policia e Kosovës.
Rasti i kërcënimit ndaj Drenorit kishte ndodhur në muajin janar. Më pas sipas procedurave të Njësitit të Krimeveve Kibernetike me vendim të Gjykates përkatëse u janë drejtuar autoriteteve të rrjetit social Facebook në SHBA për qasje në profilet e kërcënuesit.
Drenori ka paralajmëruar largimin nga politika për të vazhduar me gazetarinë hulumtuese proceset e forcimit dhe rritjes se efikasitetit të institucioneve të Republikës së Kosovës, sidomos në luftën kundër krimit dhe korrupsionit.
Postimi i plotë i Drenorit:"Falënderoj Policinë e Kosovës për identifikimin, intervistimin dhe thirrjen para përgjegjësisë të këtij tipit i cili nga tre profile me emra të ndryshem (të rrejshem) me kanosej me jetë, madje duke u thirrur edhe si daja i Kryetarit Lladrovci. (Ky i fundit ishte njoftuar nga unë për këtë rast). Sot zyrtarisht nga Policia u njoftova se kundër këtij personi, i cili del të jet një qytater i lagjes Zogu nga Komorani, është ngritur Kallëzim Penal në Prokurinë Themelore në Prishtinës nga Policia e Kosovës.
Rasti kishte ndodhur në janar të këtij viti dhe pas lajmërimit në Polici të rastit, kjo e fundit sipas procedurave të Njësitit të Krimeveve Kibernetike me vendim të Gjykates përkatëse u janë drejtuar autoriteteve të rrjetit social Facebook në SHBA për çasje në profilet e kërcënuesit. (Le të sherbej si mësim për çdo kërcënues se Policisë vetëm kohë i duhet për të identifikuar çdo manipulues që kërcenon në rrjete sociale). PS.: Ky rast dhe raste tjera të kërcenimit dhe shantazheve të ndryshme, që përjetova gjatë veprimtarisë politike, kuptohet që me kanë veshtirësuar rrugën e qellimit tim që t’i ndihmoj demokratizimit të shoqërisë në Komunën tonë, por asnjëherë të arrijnë qellimin e tyre për të me ndalur apo zbrapsur në këtë mision të shënjtë që i kishim vënë vetes me ekipen time. Tërheqja nga mandati i asamblistit dhe së shpejti edhe nga aktiviteti politik ka të bëjë kryekput me bindjen time të thellë se kam gjetur një mënyrë tjetër veprimi (gazetari investigative) për t’i ndihmuar proceset e forcimit dhe rritjes se efikasitetit të institucioneve të Republikës së Kosovës, sidomos në luftën kundër krimit dhe korrupsionit", ka shkruar Drenori. /Telegrafi/
