Ngjarje e rëndë në Francë: Gjenden në banesë trupat e nënës dhe katër fëmijëve – babai në arrati

Prokurorët në Francë kanë nisur një hetim për vrasje pasi pesë trupa u gjetën në një qytet në veri-lindje të Parisit.

Sipas mediave lokale, viktimat janë një grua dhe katër fëmijët e saj të vegjël, përcjell Telegrafi.

Trupat e tyre u gjetën në qytetin Meaux i cili është pak më shumë se 41 km (25 milje) nga kryeqyteti francez.

Ata u zbuluan në një apartament, tha prokurori vendas për agjencinë franceze të lajmeve AFP.

Sipas faqes së lajmeve Actu17, e cila raportoi për herë të parë rastin, policia është në kërkim të babait 33-vjeçar, i cili është “në arrati”.

? INFO – #FaitsDivers : 4 enfants et 1 femme ont été retrouvés morts à leur domicile de #Meaux, le père de famille fragile psychologiquement âgé de 33 ans est activement recherché. (?@ClementLanot) pic.twitter.com/OTXmsCFM6e

— FranceNews24 (@FranceNews24) December 26, 2023

Prokurori Jean-Baptiste Bladier konfirmoi për mediat franceze se shërbimi i policisë gjyqësore të Versajës po hetonte.

Rajoni i Parisit ka parë së fundmi një seri vrasjesh të fëmijëve:

Në fund të nëntorit, një burrë 41-vjeçar rrëfeu se kishte vrarë tre vajzat e tij, nga 4 deri në 11 vjeçe, dhe u dorëzua. Policia i gjeti ato të vdekura në shtëpinë e tij në qytetin Alfortville, në periferi juglindore të kryeqytetit.

Ndërsa në tetor, një polic vrau tre vajzat e tij përpara se të vriste veten në shtëpinë e tij në Vemars në Val-d’Oise. /Telegrafi/