I ngec predha e Luftës së Parë Botërore në anus, autoritetet e sigurisë evakuojnë pjesërisht spitalin në Francë nga frika e ndonjë shpërthimi

Një spital në Francë u evakuuar pjesërisht të shtunën, pasi një qytetar arriti me një predhë nga Lufta e Parë Botërore që i kishte ngecur në anus.

Pacienti 88-vjeç vizitoi spitalin Sainte Musse në Toulon të Francës, ku i nxorën mjetin shpërthyes nga anusi – duke i detyruar autoritet e sigurisë të evakuojnë pjesërisht spitalin, nga frika se mund të vie deri te ndonjë shpërthim, transmeton Telegrafi.

“Kjo urgjencë ndodhi të shtunën mbrëma, ku nga frika se mund të ndodhë ndonjë shpërthim, është evakuuar reparti i pediatrisë dhe disa tjera”, tha zëdhënësi i spitalit.

“Është dashur të menaxhojmë rrezikun nga ndonjë shpërthim i mundshëm. Kishim dyshime dhe për këtë evakuuam pjesërisht spitalin”,  shtoi ai.

Madje në vendin e ngjarjes dolën edhe ekspertë të deminimit, por sipas tyre kishte pak gjasa të shpërthen predha brenda trupit të burrit.

Bëhet fjalë për një koleksionues të gjësendeve nga Lufta e Parë Botërore. E mjekët kishin filluar menjëherë procesin e heqjes së mjetit shpërthyes, që ishte relativisht i madh që kishte ngecur në anusin e burrit.

Besohet se pacienti kishte futur mjetin shpërthyes në anus për të ndjerë kënaqësi seksuale.

“Mollë, mango apo edhe kanaçen e shkumës së rrojës jemi mësuar t’i shohim në trupin e pacientëve, por predhë, kurrë”, thanë mjekët. /Telegrafi/