Botë Nga Bota

Nga Bejruti në Hong Kong, imazhe që tregojnë se fytyra e Jokerit po shfaqet në protesta gjithandej

Para 5 vitesh

Nga Kili në Libi, përmes Hong Kongut dhe Irakut, protestuesit po maskohen me pamjen e një buzëqeshje të ekzagjeruar të Jokerit, një personazh nga filmi me të njëjtin emër e që po thyen rekordet në kinematë botërore.

Fytyra e Jokerit, si kundërshtim i personazhit Batman, është parë në protestat antiqeveritare që po mbahen anë e mbanë botës.

“Filmi i Todd Philipps për Jokerin ka një fuqi të vërtetë provokuese. Kjo po bën jehonë për protesta kundër një sistemi politik për të cilin njerëzit besojnë se është i pasaktë dhe që nuk i dëgjon ata”, tregon për France24, përcjell Telegrafi, William Blanc, historian dhe autor i librit “Superheronjtë: Një histori politike”.

Në javët që kur ky film doli në kinema, ky simbol i protestës tashmë ka qenë i dukshëm në rrugë, veçanërisht në Libi, ku një grup i artistëve i quajtur “Ashekm” ka pikturuar një mural të kllounit që mban një koktej molotovi.

Some people in Lebanon are protesting corruption and the political elite in "Joker" make-up: pic.twitter.com/0aOglCqf2B

— AJ+ (@ajplus) October 23, 2019

Referencat politike me anë të karaktereve janë të shumtë dhe Joker nuk është maska e vetme. Për shembull, në Hong Kong, demonstruesit po demonstrojnë kundër Ligjit për Ekstradim në Kinë me anë të personazheve Winnie Pooh dhe Pepe the Frog.

Edhe maska e Anonymus, i cili u krijua në vitin 2003, ka shumë të përbashkëta me Jokerin se sa mund të mendoni.

“Tema kryesore e këtyre dy filmave [personazheve] është ndarja shoqërore, fakti i gjetjes së vetvetes për të përballuar mjerimin tuaj. Në fund të filmit të Philippsit, pak a shumë si në fund të ‘V për Vendetta’, të gjithë ata që veshin të njëjtën maskë është mënyra e tyre për t’u bashkuar si grup”, shpjegon Blanc, përcjell Telegrafi.

There’s a Joker facepaint station at the protests in Beirut pic.twitter.com/C7BSRyOjS1

— Helen Sullivan (@helenrsullivan) October 18, 2019

Për më shumë se një javë vijojnë protestat masive në Kili, të cilat kulmuan të premten me rreth një milion qytetarë që protestuan në kryeqytetin Santiago, ku protestuesit kërkojnë me çdo kusht dorëheqjen e presidentit Sebastian Pinera, por ky i fundit ka vendosur që të shkarkojë vetëm ministrat, por jo të largohet vetë nga posti.

Ajo që bie në sy është se figura qendrore e këtyre protestave është Jokeri. Ata shfaqen shpesh të vizatuar në fytyrë me pamjen apo figurën e tij.

https://twitter.com/FYDCOMICSYCINE/status/1186349104944816133

Filmi Joker flet për një klloun të margjinalizuar që kryen një seri vrasjesh të njerëzve me pushtet dhe që vijnë nga klasa e të pasurve. Këto vrasje më pas shkaktojnë trazira në vend, me qytetarët që ndihen të shkelur dhe të pamundur, kundër klasës së pasur të shoqërisë.

Me gati 800 milionë dollarë të mbledhur nga shitja e biletave në mbarë botën, Joker praktikisht ka thyer rekordet. Filmi deri tani, vetëm në Shtetet e Bashkuara të Amerikës, ka mbledhur mbi 260 milionë dollarë. /Telegrafi/