Secili prej nesh zgjedh vetë partnerin/partneren për tërë jetën. Mirëpo, për të ndier dashurinë e vërtetë, së pari duhet të bëhemi miq, dhe vetëm pastaj të dashurohemi
Nëse keni rënë në dashuri së pari, vështirë se do të jeni të vetëdijshëm për përfitimet e marrëdhënies suaj, kur flaka e parë të shuhet. Për gjithçka, madje edhe për dashurinë - duhet durim, transmeton Telegrafi.
Çdo marrëdhënie përbëhet nga 7 faza që na çojnë drejt dashurisë së vërtetë:
2. Mbingopja e tepërt - në këtë fazë ju filloni të shikoni esëll partnerin tuaj dhe marrëdhënien tuaj. Ju filloni të silleni më natyrshëm dhe të relaksuar.
3. Neveri - e pashmangshme në çdo marrëdhënie. Fillon grindja, zbulohen të metat e partnerit. Ju duket se është më e lehtë të ndaheni. Pas ndarjes, përsëri do të hyni në fazën e eksitimit me lidhjen e dytë, pastaj të tretën dhe kështu me radhë... Por nëse e kapërceni këtë fazë, vjen faza më e mirë...
4. Durimi - partnerët krijojnë mençuri. Grindjet nuk janë aq dramatike, ju e dini që marrëdhënia duhet madje patjetër të vazhdojë.
5. Detyrë ose respekt - faza e parë e dashurisë së vërtetë, sepse më parë nuk kishte dashuri të vërtetë. Partnerët e kuptojnë përgjegjësinë e tyre, nuk mendojnë për ndarjen, por për diçka më të përhershme.
6. Faza e miqësisë – partnerët bëhen më të afërt. Ata janë miqtë më të mirë të njëri-tjetrit. Kjo fazë hap rrugën për dashurinë e vërtetë.
7. Faza e dashurisë së vërtetë. Çdo marrëdhënie duhet të kalojë nëpër këto 6 faza të mëparshme për të arritur fazën e dashurisë së vërtetë. Dashuria e vërtetë nuk është diçka që bie nga qielli, dashuria e vërtetë do përkushtim.
