Nëse keni ngrënë shumë në iftar dhe ndiheni të fryrë, bëni këto veprime që të ndiheni më mirë

Pas një dite të gjatë agjërimi, shumë njerëz kanë prirjen të konsumojnë sasi të mëdha ushqimi menjëherë pas iftarit.

Kur hamë një vakt të bollshëm, mund të ndjejmë një fryrje dhe të na bëjë të ndihemi jo rehat.

Ngrënia e tepruar në iftar jo vetëm që ndikon në ndjesinë e mirëqenies pas vaktit, por mund të pengojë edhe qëllimet për një shëndet më të mirë gjatë Ramazanit.

Prandaj, është e rëndësishme të kemi kujdes në mënyrën dhe sasinë e ushqimit që konsumojmë.

Fryrja e stomakut mund të jetë ndonjëherë krejtësisht normale dhe e shëndetshme, por ndonjëherë mund të jetë e pakëndshme

Është e mundur t’i lehtësoni këto simptoma të pakëndshme, dhe e ekzistojnë një mori mënyrash për të ndihmuar në lehtësimin e fryrjes, të cilat nuk kushtojnë pothuajse asgjë, këtu janë tre prej tyre.

Pini ujë

Ushqimi ka nevojë për ujë për t’u tretur. E thënë shumë thjesht: Sa më shumë që hamë, aq më shumë ujë na nevojitet për tretje.

Ushqimet e pasura me proteina dhe natrium, si shumë të preferuara, duke përfshirë proshutën dhe gjelin e detit, kanë nevojë për më shumë ujë për t’u tretur sesa ushqimet e tjera me më pak natrium dhe më pak proteina.

Uji gjithashtu mund të ndihmojë organet si veshkat tuaja të largojnë toksinat nga gjëra të tilla si ushqimet me shumë sheqer. Uji mund t’ju ndihmojë që të ndiheni më mirë.

Dilni për një shëtitje

Sido që të jetë moti jashtë, është mirë dhe ia vlen të bëni një shëtitje nëpër lagje.

Lëvizja e rregullt, veçanërisht ushtrimet aerobike sikurse ecja, çiklizmi ose noti, janë aktiviteti më i mirë për t’ju ndihmuar të qëndroni të rregullt.

Madje, ecja për vetëm dy minuta mund të ndihmojë në uljen e niveleve të sheqerit në gjak (të cilat priren të rriten pas ngrënies së tepërt dhe ngrënies së shumë sheqerit të shtuar) dhe të ndihmojë në rritjen e niveleve të energjisë dhe humorit.

Shtrihuni në një anë për të pushuar

Gjithmonë prisni të paktën dy orë pas ngrënies përpara se të shtriheni për të ndihmuar në shmangien e refluksit, pasi shtrirja e bën më të lehtë që acidet e stomakut të kalojnë në ezofag.

Nëse ka kaluar një kohë e madhe pasi ta keni ngrënë një vakt të bollshëm dhe ende ndiheni të fryrë, shtrirja në anën tuaj të majtë mund të ndihmojë. /Telegrafi/