Nëse hasni në këtë lloj pajisje në dhomën tuaj të hotelit, ikni menjëherë – mund të jeni duke u filmuar

Shumë njerëz mund të mos jenë të vëmendshëm ndaj gjërave që ofrohen në ndonjë dhomë hoteli apo në ndonjë shtëpi me qira.

Megjithatë, përpiquni t’u kushtoni rëndësi edhe detajeve më të vogla kur rezervoni ndonjë akomodim në pushimet e juaja, transmeton Telegrafi.

Në rast se hasni në ndonjë kub karikimi USB, bëni shumë kujdes, largohuni nga dhoma ose thirrni policinë.

Lexo po ashtu Si ta kuptoni nëse ka kamera të fshehura në dhomën e hotelit

Kjo pasi ekzistojnë mundësitë që në këta kuba mund të jetë instaluar ndonjë kamerë për t’ju filmuar.

Në rastet dashakeqëse, këto përdoren si pajisje përgjuese, për të mos u vërejtur nga mysafirët.

Të shumta kanë qenë rastet kur njerëzit kanë gjetur kamera të fshehura në hotelet apo shtëpi me qira gjatë pushimeve të tyre disa-ditore.

Se si ndodh që këto kamera të jenë të pranishme në këto nuk ka ndonjë shpjegim.

Por, si mund ta dini nëse në dhomën ku qëndroni me pushime ka kamera të fshehta, ja disa këshilla.

Një prej mënyrave më të thjeshta që mund të identifikoni një kamerë të fshehtë është të fikni të gjitha dritat në dhomë dhe me një dritë të telefonit kërkoni për ndonjë reflektim drite dhe mundeni që të gjeni ndonjë lente drite.

Kontrolloni ngadalë dhe me kujdes të gjithë dhomën, pasi reflektimi i dritës mund të jetë shumë i vogël.

Për të parë nëse ka kamera në dhomën tuaj kontrolloni vendet ku mund të fshihen lehtësisht këto kamera sikurse detektorët e tymit, orët e alarmit, kokat e dushit dhe prizat.

Një metodë tjetër me të cilën mund ta gjeni nëse ka kamera është edhe ajo përmes Wi-Fi-s. Shkarkoni një aplikacion për skanimin e Wi-Fi-s për të parë se cilat pajisje janë të lidhura, por normalisht jo çdo herë kamerat janë të lidhura me Wi-Fi. /Telegrafi/