Nëse bota mbetet pa kafe, pasojat do të ishin të mëdha për njerëzimin!

Sipas raportit të Institutit Klimatologjik të Australisë, nëse ndodh përkeqësimi aktual i motit, ngrohja globale do të ulte për 50 për qind prodhimin e kafesë deri në vitin 2050, e kjo do të çonte në zhdukjen totale të kafes më 2080.

“Ka dëshmi të forta se rritja e temperaturave dhe ndryshimi i modelit të reshjeve, tek tash po ndikojnë në rendiment, cilësi, dëme dhe sëmundje të cilat në mënyrë të konsiderueshme ndikojnë në sigurinë ekonomike në disa rajone që janë ekonomikisht të varura nga prodhimi i kafes”, thotë raporti.

Lexo po ashtu Si e sollën shqiptarët kafenë në Evropë?

Përveç faktit që konsumuesit mund të humbasin pijen e tyre të preferuar, pasojat e mungesës së kafesë mund të jenë shumë më serioze. Se çfarë do të ndodhte po të mos kishte kafe, për “Vice” pasin publicisti amerikan Mark Pendergrast, historiania nga Harvardi, Augustine Sedgewick, dhe njohësi i kafes, Peter Giuliano.

Sipas tyre, mbi 120 milionë njerëz në më shumë se 70 shtete varen nga kafja si burim i të ardhurave dhe shumica e 25 milionë kultivuesve të kafesë janë fermerë të vegjël. Vetëm në Kanada janë mbi 170 mijë punonjës në veprimtaritë që ndërlidhen me kafen, e në Shtetet e Bashkuara ky numër arrin në 1.6 milionë, transmeton Telegrafi.

Lexo po ashtu Kur është koha e përkryer për kafe

Çfarë do të ndodhte nëse nesër zhduket kafe?

Augustine Sedgewick: “Njerëzit në njëfarë mënyre do të kompensohen, ndoshta me pije energjike. Nëse mund të sintetizojnë një hamburger, ne ndoshta do të jemi në gjendje të sintetizojnë edhe kafen”!

Mark Pendergrast: “Shumë njerëz do të kishin dhimbje koke, e do të shin nevrikë. Mbase njerëzit do t’ju ktheheshin lëngjeve e do të merrnin më shumë sheqer”!

Lexo po ashtu Koha për panik: Kafja mund të zhduket së shpejti

Shumë do të mbeteshin pa punë. Çfarë do të ndodhte me ta?

Augustine Sedgewick: “Nëse janë 150 milionë njerëz puna e të cilëve varet nga kjo bimë, mbase 149 milionë prej tyre do të ishin të lumtur që nesër nuk duhet të punojnë. Sepse, shumica e punëve në këtë sektor janë të rënda, përfshirë prodhimin dhe shërbimin e kafes”!

Amerika e Veriut është vetëm një pjesë e një zinxhiri global të shitjes së kafes. Çka me pjesën tjetër ku rritet kafeja?

Augustine Sedgewick: “Kur flasim për plantacionet, ka njerëz që nuk kanë mënyrë tjetër për të fituar para për bukë. Menjëherë do të shfaqej uria”!

Lexo po ashtu Ja çfarë ndodh me trupin tuaj kur pini një filxhan kafe

Kafenetë dhe dyqanet e kafes janë shpesh vende ku njerëzit bisedojnë. A do të ndikonte mungesa e kafes në tjetërsimin e njerëzve?

Augustine Sedgewick: “Ç’janë qytetet sot? Në të shumtën janë kafene dhe banka. ‘Starbucks’ është bërë vend ku njerëzit shkojnë për të menduar. Sigurisht se ka lidhje emocionale mes njerëzve dhe kafeneve. Nëse kafja zhduket, kjo lidhje emocionale do të merrte formë të re”!

Peter Giuliano: “Kafenetë janë vende për të bashkëvepruar, vende ku hasen kultura të ndryshme Nëse ju shkoni në Etiopi, nga ku kafeja ka origjinën, komuniteti mblidhet rreth kësaj pije. Kjo është ajo që ne bëjmë: ne ndajmë informacionin duke pirë kafe”.

Lexo po ashtu Përse ASSESI nuk do të duhej ta mbani filxhanin e kafes në tavolinën e zyrës

Si çdo kulture, kafeja ka një ndikim në mjedis. Çfarë ndodh nëse ajo zhduket?

Mark Pendergrast: “Në zonat ku rritet nuk mund të rriten shumë kultura tjera – në një lartësi prej 900-1800 metra Ndoshta do të nisin të kultivojnë më shumë kokë. Kjo do të kishte efekt të keq tek njerëzit e përfshirë në tregtinë e drogës”.

Peter Giuliano: “Pothuajse çdo aktiviteti do të jetë më i keq se kultivimi i kafesë Zgjidhja më e lehtë do të ishte bagëtia”. /Telegrafi/