Nervozohet legjenda Cantona, i del në krahë Shqipërisë (Video)

Legjenda e futbollit francez, Erick Cantona, i ka dhënë një shans Shqipërisë që ta fitojë Kampionatin Evropian.

Ditë më parë Goldman Sachs nuk i ka dhënë Shqipërisë asnjë shans që të fitojë Kampionatin Evropian në një studim që kanë bërë.

Ata kishin parashikuar që Franca do ta fitojë këtë evropian.

Por kjo nuk i ka pëlqyer ish legjendës së Francës dhe Manchester United, Eric Cantona, i cili ka një emision që quhet ‘Komisionari i futbollit’ dhe transmetohet në Euro Sport.

“Goldman Sachs? Sipas tyre Franca do ta fitojë evropianin. Shqipëria është e fundit me 0% shanse për ta fituar. Kjo është çmenduri dhe po më bënë nervozë. Po Greqia në vitin 2004 çfarë bëri? As ata nuk kishin asnjë gjasë për të fituar. Danimarka në vitin 1992. Po Leicesteri në Ligë Premier”, thuhet në një paraqitje të Cantonas për Eurosport.

“Unë si komisionar i futbollit i jap një shans Shqipërisë që ta fitojë Evropianin. Po ashtu edhe Islandës. Futbolli nuk ka të bëjë me numra dhe statistika. Futbolli ka të bëjë me zemër, angazhim dhe ëndërr. Në futboll gjithçka është e mundur”, ka nënvizuar Cantona.

Shqipëria është në grup me Francën, Zvicrën dhe Rumaninë. /Telegrafi/

https://www.facebook.com/manunitedshqip/videos/1130292600354297/?__mref=message_bubble